Iesu decus angélicum

Iesu decus angélicum,

In aure dulce cánticum,

In ore mel miríficum,

In corde nectar cǽlicum.

2.Qui te gustant, esúriunt,

Qui bibunt, adhuc sítiunt;

Desideráre nésciunt,

Nisi Iesum, quem díligunt.

3.O Iesu mi dulcíssime,

Spes suspirántis ánimæ!

Te quærunt piæ lácrimæ,

Te clamor mentis íntimæ.

4.Mane nobíscum, Dómine,

Et nos illústra lúmine;

Pulsa mentis calígine,

Mundum reple dulcédine.

5.Iesu, flos Matris Vírginis,

Amor nostræ dulcédinis,

Tibi laus, honor nóminis,

Regnum beatitúdinis.

Amen.