Puer natus in Béthlehem

Puer natus in Béthlehem, allelúia:

Unde gaudet Ierúsalem,

allelúia, allelúia.

℟.In cordis iúbilo

Christum natum adorémus,

Cum novo cántico.

2.Assúmpsit carnem Fílius, allelúia,

Dei Patris altíssimus,

allelúia, allelúia.

℟.In cordis.

3.Per Gabriélem núntium, allelúia,

Virgo concépit Fílium,

allelúia, allelúia.

℟.In cordis.

4.Tamquam sponsus de thálamo, allelúia,

Procéssit Matris útero,

allelúia, allelúia.

℟.In cordis.

5.Hic iacet in præsépio, allelúia,

Qui regnat sine término,

allelúia, allelúia.

℟.In cordis.

6.Et Angelus pastóribus, allelúia,

Revélat quod sit Dóminus,

allelúia, allelúia.

℟.In cordis.

7.Reges de Saba véniunt, allelúia,

Aurum, thus, myrrham ófferunt,

allelúia, allelúia.

℟.In cordis.

8.Intrántes domum ínvicem, allelúia,

Novum salútant Príncipem,

allelúia, allelúia.

℟.In cordis.

9.De Matre natus Vírgine, allelúia,

Qui lumen est de lúmine,

allelúia, allelúia.

℟.In cordis.

10.Sine serpéntis vúlnere, allelúia,

De nostro venit sánguine,

allelúia, allelúia.

℟.In cordis.

11.In carne nobis símilis, allelúia,

Peccáto sed dissímilis,

allelúia, allelúia.

℟.In cordis.

12.Ut rédderet nos hómines, allelúia,

Deo et sibi símiles,

allelúia, allelúia.

℟.In cordis.

13.In hoc natáli gáudio, allelúia,

Benedicámus Dómino,

allelúia, allelúia.

℟.In cordis.

14.Laudétur sancta Trínitas, allelúia,

Deo dicámus grátias,

allelúia, allelúia.

℟.In cordis.