Psalterium · Vulgata Clementina
Salmo 113
In exitu Israël de Ægypto
Numeração da Vulgata · Sl 113 (114–115 na numeração hebraica)
Coro I à esquerda · Coro II recuado
marcas de salmodia em revisão
versículo 1: In exitu Israël de Ægypto, domus Iacob de populo barbaro,
versículo 2: facta est Iudæa sanctificatio eius; Israël potestas eius.
versículo 3: Mare vidit, et fugit; Iordanis conversus est retrorsum.
versículo 4: Montes exsultaverunt ut arietes, et colles sicut agni ovium.
versículo 5: Quid est tibi, mare, quod fugisti? et tu, Iordanis, quia conversus es retrorsum?
versículo 6: montes, exsultastis sicut arietes? et colles, sicut agni ovium?
versículo 7: A facie Domini mota est terra, a facie Dei Iacob:
versículo 8: qui convertit petram in stagna aquarum, et rupem in fontes aquarum.
versículo 9: Non nobis, Domine, non nobis, sed nomini tuo da gloriam:
versículo 10: super misericordia tua et veritate tua; nequando dicant gentes: Ubi est Deus eorum?
versículo 11: Deus autem noster in cælo; omnia quæcumque voluit fecit.
versículo 12: Simulacra gentium argentum et aurum, opera manuum hominum.
versículo 13: Os habent, et non loquentur; oculos habent, et non videbunt.
versículo 14: Aures habent, et non audient; nares habent, et non odorabunt.
versículo 15: Manus habent, et non palpabunt; pedes habent, et non ambulabunt; non clamabunt in gutture suo.
versículo 16: Similes illis fiant qui faciunt ea, et omnes qui confidunt in eis.
versículo 17: Domus Israël speravit in Domino; adiutor eorum et protector eorum est.
versículo 18: Domus Aaron speravit in Domino; adiutor eorum et protector eorum est.
versículo 19: Qui timent Dominum speraverunt in Domino; adiutor eorum et protector eorum est.
versículo 20: Dominus memor fuit nostri, et benedixit nobis. Benedixit domui Israël; benedixit domui Aaron.
versículo 21: Benedixit omnibus qui timent Dominum, pusillis cum maioribus.
versículo 22: Adiiciat Dominus super vos, super vos et super filios vestros.
versículo 23: Benedicti vos a Domino, qui fecit cælum et terram.
versículo 24: Cælum cæli Domino; terram autem dedit filiis hominum.
versículo 25: Non mortui laudabunt te, Domine, neque omnes qui descendunt in infernum:
versículo 26: sed nos qui vivimus, benedicimus Domino, ex hoc nunc et usque in sæculum.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.