Psalterium · Vulgata Clementina
Salmo 131
Memento, Domine, David
Numeração da Vulgata · Sl 131 (132 na numeração hebraica)
Coro I à esquerda · Coro II recuado
marcas de salmodia em revisão
versículo 1: Memento, Domine, David, et omnis mansuetudinis eius:
versículo 2: sicut iuravit Domino; votum vovit Deo Iacob:
versículo 3: Si introiero in tabernaculum domus meæ; si ascendero in lectum strati mei;
versículo 4: si dedero somnum oculis meis, et palpebris meis dormitationem,
versículo 5: et requiem temporibus meis, donec inveniam locum Domino, tabernaculum Deo Iacob.
versículo 6: Ecce audivimus eam in Ephrata; invenimus eam in campis silvæ.
versículo 7: Introibimus in tabernaculum eius; adorabimus in loco ubi steterunt pedes eius.
versículo 8: Surge, Domine, in requiem tuam, tu et arca sanctificationis tuæ.
versículo 9: Sacerdotes tui induantur iustitiam, et sancti tui exsultent.
versículo 10: Propter David servum tuum non avertas faciem christi tui.
versículo 11: Iuravit Dominus David veritatem, et non frustrabitur eam: De fructu ventris tui ponam super sedem tuam.
versículo 12: Si custodierint filii tui testamentum meum, et testimonia mea hæc quæ docebo eos, et filii eorum usque in sæculum sedebunt super sedem tuam.
versículo 13: Quoniam elegit Dominus Sion: elegit eam in habitationem sibi.
versículo 14: Hæc requies mea in sæculum sæculi; hic habitabo, quoniam elegi eam.
versículo 15: Viduam eius benedicens benedicam; pauperes eius saturabo panibus.
versículo 16: Sacerdotes eius induam salutari, et sancti eius exsultatione exsultabunt.
versículo 17: Illuc producam cornu David; paravi lucernam christo meo.
versículo 18: Inimicos eius induam confusione; super ipsum autem efflorebit sanctificatio mea.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.