Salmo 134

1versículo 1: Laudate nomen Domini; laudate, servi, Dominum:

2versículo 2: qui statis in domo Domini, in atriis domus Dei nostri.

3versículo 3: Laudate Dominum, quia bonus Dominus; psallite nomini eius, quoniam suave.

4versículo 4: Quoniam Iacob elegit sibi Dominus; Israël in possessionem sibi.

5versículo 5: Quia ego cognovi quod magnus est Dominus, et Deus noster præ omnibus diis.

6versículo 6: Omnia quæcumque voluit Dominus fecit, in cælo, in terra, in mari et in omnibus abyssis.

7versículo 7: Educens nubes ab extremo terræ, fulgura in pluviam fecit; qui producit ventos de thesauris suis.

8versículo 8: Qui percussit primogenita Ægypti, ab homine usque ad pecus.

9versículo 9: Et misit signa et prodigia in medio tui, Ægypte: in Pharaonem, et in omnes servos eius.

10versículo 10: Qui percussit gentes multas, et occidit reges fortes:

11versículo 11: Sehon, regem Amorrhæorum, et Og, regem Basan, et omnia regna Chanaan:

12versículo 12: et dedit terram eorum hæreditatem, hæreditatem Israël populo suo.

13versículo 13: Domine, nomen tuum in æternum; Domine, memoriale tuum in generationem et generationem.

14versículo 14: Quia iudicabit Dominus populum suum, et in servis suis deprecabitur.

15versículo 15: Simulacra gentium argentum et aurum, opera manuum hominum.

16versículo 16: Os habent, et non loquentur; oculos habent, et non videbunt.

17versículo 17: Aures habent, et non audient; neque enim est spiritus in ore ipsorum.

18versículo 18: Similes illis fiant qui faciunt ea, et omnes qui confidunt in eis.

19versículo 19: Domus Israël, benedicite Domino; domus Aaron, benedicite Domino.

20versículo 20: Domus Levi, benedicite Domino; qui timetis Dominum, benedicite Domino.

21versículo 21: Benedictus Dominus ex Sion, qui habitat in Ierusalem.

doxologia: Gloria Patri, et Filio, et Spiritui Sancto.

doxologia: Sicut erat in principio, et nunc, et semper, et in sæcula sæculorum. Amen.