Psalterium · Vulgata Clementina
Salmo 146
Laudate Dominum, quoniam bonus est psalmus
Numeração da Vulgata · Sl 146 (parte do 147 na numeração hebraica)
Coro I à esquerda · Coro II recuado
marcas de salmodia em revisão
versículo 1: Laudate Dominum, quoniam bonus est psalmus; Deo nostro sit iucunda, decoraque laudatio.
versículo 2: Ædificans Ierusalem Dominus, dispersiones Israëlis congregabit:
versículo 3: qui sanat contritos corde, et alligat contritiones eorum;
versículo 4: qui numerat multitudinem stellarum, et omnibus eis nomina vocat.
versículo 5: Magnus Dominus noster, et magna virtus eius, et sapientiæ eius non est numerus.
versículo 6: Suscipiens mansuetos Dominus; humilians autem peccatores usque ad terram.
versículo 7: Præcinite Domino in confessione; psallite Deo nostro in cithara.
versículo 8: Qui operit cælum nubibus, et parat terræ pluviam; qui producit in montibus fœnum, et herbam servituti hominum;
versículo 9: qui dat iumentis escam ipsorum, et pullis corvorum invocantibus eum.
versículo 10: Non in fortitudine equi voluntatem habebit, nec in tibiis viri beneplacitum erit ei.
versículo 11: Beneplacitum est Domino super timentes eum, et in eis qui sperant super misericordia eius.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.