Psalterium · Vulgata Clementina
Salmo 16
Exaudi, Domine, iustitiam meam
Numeração da Vulgata · Sl 16 (17 na numeração hebraica)
Coro I à esquerda · Coro II recuado
marcas de salmodia em revisão
versículo 1: Exaudi, Domine, iustitiam meam; intende deprecationem meam. Auribus percipe orationem meam, non in labiis dolosis.
versículo 2: De vultu tuo iudicium meum prodeat; oculi tui videant æquitates.
versículo 3: Probasti cor meum, et visitasti nocte; igne me examinasti, et non est inventa in me iniquitas.
versículo 4: Ut non loquatur os meum opera hominum: propter verba labiorum tuorum, ego custodivi vias duras.
versículo 5: Perfice gressus meos in semitis tuis, ut non moveantur vestigia mea.
versículo 6: Ego clamavi, quoniam exaudisti me, Deus; inclina aurem tuam mihi, et exaudi verba mea.
versículo 7: Mirifica misericordias tuas, qui salvos facis sperantes in te.
versículo 8: A resistentibus dexteræ tuæ custodi me ut pupillam oculi. Sub umbra alarum tuarum protege me
versículo 9: a facie impiorum qui me afflixerunt. Inimici mei animam meam circumdederunt;
versículo 10: adipem suum concluserunt: os eorum locutum est superbiam.
versículo 11: Proiicientes me nunc circumdederunt me; oculos suos statuerunt declinare in terram.
versículo 12: Susceperunt me sicut leo paratus ad prædam, et sicut catulus leonis habitans in abditis.
versículo 13: Exsurge, Domine: præveni eum, et supplanta eum: eripe animam meam ab impio; frameam tuam
versículo 14: ab inimicis manus tuæ. Domine, a paucis de terra divide eos in vita eorum; de absconditis tuis adimpletus est venter eorum. Saturati sunt filiis, et dimiserunt reliquias suas parvulis suis.
versículo 15: Ego autem in iustitia apparebo conspectui tuo; satiabor cum apparuerit gloria tua.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.