Salmo 17

2versículo 2: Diligam te, Domine, fortitudo mea.

3versículo 3: Dominus firmamentum meum, et refugium meum, et liberator meus. Deus meus adiutor meus, et sperabo in eum; protector meus, et cornu salutis meæ, et susceptor meus.

4versículo 4: Laudans invocabo Dominum, et ab inimicis meis salvus ero.

5versículo 5: Circumdederunt me dolores mortis, et torrentes iniquitatis conturbaverunt me.

6versículo 6: Dolores inferni circumdederunt me; præoccupaverunt me laquei mortis.

7versículo 7: In tribulatione mea invocavi Dominum, et ad Deum meum clamavi: et exaudivit de templo sancto suo vocem meam; et clamor meus in conspectu eius introivit in aures eius.

8versículo 8: Commota est, et contremuit terra; fundamenta montium conturbata sunt, et commota sunt: quoniam iratus est eis.

9versículo 9: Ascendit fumus in ira eius, et ignis a facie eius exarsit; carbones succensi sunt ab eo.

10versículo 10: Inclinavit cælos, et descendit, et caligo sub pedibus eius.

11versículo 11: Et ascendit super cherubim, et volavit; volavit super pennas ventorum.

12versículo 12: Et posuit tenebras latibulum suum; in circuitu eius tabernaculum eius, tenebrosa aqua in nubibus aëris.

13versículo 13: Præ fulgore in conspectu eius nubes transierunt; grando et carbones ignis.

14versículo 14: Et intonuit de cælo Dominus, et Altissimus dedit vocem suam: grando et carbones ignis.

15versículo 15: Et misit sagittas suas, et dissipavit eos; fulgura multiplicavit, et conturbavit eos.

16versículo 16: Et apparuerunt fontes aquarum, et revelata sunt fundamenta orbis terrarum, ab increpatione tua, Domine, ab inspiratione spiritus iræ tuæ.

17versículo 17: Misit de summo, et accepit me; et assumpsit me de aquis multis.

18versículo 18: Eripuit me de inimicis meis fortissimis, et ab his qui oderunt me. Quoniam confortati sunt super me;

19versículo 19: prævenerunt me in die afflictionis meæ: et factus est Dominus protector meus.

20versículo 20: Et eduxit me in latitudinem; salvum me fecit, quoniam voluit me,

21versículo 21: et retribuet mihi Dominus secundum iustitiam meam, et secundum puritatem manuum mearum retribuet mihi:

22versículo 22: quia custodivi vias Domini, nec impie gessi a Deo meo;

23versículo 23: quoniam omnia iudicia eius in conspectu meo, et iustitias eius non repuli a me.

24versículo 24: Et ero immaculatus cum eo; et observabo me ab iniquitate mea.

25versículo 25: Et retribuet mihi Dominus secundum iustitiam meam, et secundum puritatem manuum mearum in conspectu oculorum eius.

26versículo 26: Cum sancto sanctus eris, et cum viro innocente innocens eris,

27versículo 27: et cum electo electus eris, et cum perverso perverteris.

28versículo 28: Quoniam tu populum humilem salvum facies, et oculos superborum humiliabis.

29versículo 29: Quoniam tu illuminas lucernam meam, Domine; Deus meus, illumina tenebras meas.

30versículo 30: Quoniam in te eripiar a tentatione; et in Deo meo transgrediar murum.

31versículo 31: Deus meus, impolluta via eius; eloquia Domini igne examinata: protector est omnium sperantium in se.

32versículo 32: Quoniam quis deus præter Dominum? aut quis deus præter Deum nostrum?

33versículo 33: Deus qui præcinxit me virtute, et posuit immaculatam viam meam;

34versículo 34: qui perfecit pedes meos tamquam cervorum, et super excelsa statuens me;

35versículo 35: qui docet manus meas ad prælium. Et posuisti, ut arcum æreum, brachia mea,

36versículo 36: et dedisti mihi protectionem salutis tuæ: et dextera tua suscepit me, et disciplina tua correxit me in finem, et disciplina tua ipsa me docebit.

37versículo 37: Dilatasti gressus meos subtus me, et non sunt infirmata vestigia mea.

38versículo 38: Persequar inimicos meos, et comprehendam illos; et non convertar donec deficiant.

39versículo 39: Confringam illos, nec poterunt stare; cadent subtus pedes meos.

40versículo 40: Et præcinxisti me virtute ad bellum, et supplantasti insurgentes in me subtus me.

41versículo 41: Et inimicos meos dedisti mihi dorsum, et odientes me disperdidisti.

42versículo 42: Clamaverunt, nec erat qui salvos faceret; ad Dominum, nec exaudivit eos.

43versículo 43: Et comminuam eos ut pulverem ante faciem venti; ut lutum platearum delebo eos.

44versículo 44: Eripies me de contradictionibus populi; constitues me in caput gentium.

45versículo 45: Populus quem non cognovi servivit mihi; in auditu auris obedivit mihi.

46versículo 46: Filii alieni mentiti sunt mihi, filii alieni inveterati sunt, et claudicaverunt a semitis suis.

47versículo 47: Vivit Dominus, et benedictus Deus meus, et exaltetur Deus salutis meæ.

48versículo 48: Deus qui das vindictas mihi, et subdis populos sub me; liberator meus de inimicis meis iracundis.

49versículo 49: Et ab insurgentibus in me exaltabis me; a viro iniquo eripies me.

50versículo 50: Propterea confitebor tibi in nationibus, Domine, et nomini tuo psalmum dicam;

51versículo 51: magnificans salutes regis eius, et faciens misericordiam christo suo David, et semini eius usque in sæculum.

doxologia: Gloria Patri, et Filio, et Spiritui Sancto.

doxologia: Sicut erat in principio, et nunc, et semper, et in sæcula sæculorum. Amen.