Psalterium · Vulgata Clementina
Salmo 21
Deus, Deus meus, respice in me
Numeração da Vulgata · Sl 21 (22 na numeração hebraica)
Coro I à esquerda · Coro II recuado
marcas de salmodia em revisão
versículo 2: Deus, Deus meus, respice in me: quare me dereliquisti? longe a salute mea verba delictorum meorum.
versículo 3: Deus meus, clamabo per diem, et non exaudies; et nocte, et non ad insipientiam mihi.
versículo 4: Tu autem in sancto habitas, laus Israël.
versículo 5: In te speraverunt patres nostri; speraverunt, et liberasti eos.
versículo 6: Ad te clamaverunt, et salvi facti sunt; in te speraverunt, et non sunt confusi.
versículo 7: Ego autem sum vermis, et non homo; opprobrium hominum, et abiectio plebis.
versículo 8: Omnes videntes me deriserunt me; locuti sunt labiis, et moverunt caput.
versículo 9: Speravit in Domino, eripiat eum: salvum faciat eum, quoniam vult eum.
versículo 10: Quoniam tu es qui extraxisti me de ventre, spes mea ab uberibus matris meæ.
versículo 11: In te proiectus sum ex utero; de ventre matris meæ Deus meus es tu:
versículo 12: ne discesseris a me, quoniam tribulatio proxima est, quoniam non est qui adiuvet.
versículo 13: Circumdederunt me vituli multi; tauri pingues obsederunt me.
versículo 14: Aperuerunt super me os suum, sicut leo rapiens et rugiens.
versículo 15: Sicut aqua effusus sum, et dispersa sunt omnia ossa mea: factum est cor meum tamquam cera liquescens in medio ventris mei.
versículo 16: Aruit tamquam testa virtus mea, et lingua mea adhæsit faucibus meis: et in pulverem mortis deduxisti me.
versículo 17: Quoniam circumdederunt me canes multi; concilium malignantium obsedit me. Foderunt manus meas et pedes meos;
versículo 18: dinumeraverunt omnia ossa mea. Ipsi vero consideraverunt et inspexerunt me.
versículo 19: Diviserunt sibi vestimenta mea, et super vestem meam miserunt sortem.
versículo 20: Tu autem, Domine, ne elongaveris auxilium tuum a me; ad defensionem meam conspice.
versículo 21: Erue a framea, Deus, animam meam, et de manu canis unicam meam.
versículo 22: Salva me ex ore leonis, et a cornibus unicornium humilitatem meam.
versículo 23: Narrabo nomen tuum fratribus meis; in medio ecclesiæ laudabo te.
versículo 24: Qui timetis Dominum, laudate eum; universum semen Iacob, glorificate eum.
versículo 25: Timeat eum omne semen Israël, quoniam non sprevit, neque despexit deprecationem pauperis, nec avertit faciem suam a me: et cum clamarem ad eum, exaudivit me.
versículo 26: Apud te laus mea in ecclesia magna; vota mea reddam in conspectu timentium eum.
versículo 27: Edent pauperes, et saturabuntur, et laudabunt Dominum qui requirunt eum: vivent corda eorum in sæculum sæculi.
versículo 28: Reminiscentur et convertentur ad Dominum universi fines terræ; et adorabunt in conspectu eius universæ familiæ gentium:
versículo 29: quoniam Domini est regnum, et ipse dominabitur gentium.
versículo 30: Manducaverunt et adoraverunt omnes pingues terræ; in conspectu eius cadent omnes qui descendunt in terram.
versículo 31: Et anima mea illi vivet; et semen meum serviet ipsi.
versículo 32: Annuntiabitur Domino generatio ventura; et annuntiabunt cæli iustitiam eius populo qui nascetur, quem fecit Dominus.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.