Psalterium · Vulgata Clementina
Salmo 20
Domine, in virtute tua lætabitur rex
Numeração da Vulgata · Sl 20 (21 na numeração hebraica)
Coro I à esquerda · Coro II recuado
marcas de salmodia em revisão
versículo 2: Domine, in virtute tua lætabitur rex, et super salutare tuum exsultabit vehementer.
versículo 3: Desiderium cordis eius tribuisti ei, et voluntate labiorum eius non fraudasti eum.
versículo 4: Quoniam prævenisti eum in benedictionibus dulcedinis; posuisti in capite eius coronam de lapide pretioso.
versículo 5: Vitam petiit a te, et tribuisti ei longitudinem dierum, in sæculum, et in sæculum sæculi.
versículo 6: Magna est gloria eius in salutari tuo; gloriam et magnum decorem impones super eum.
versículo 7: Quoniam dabis eum in benedictionem in sæculum sæculi; lætificabis eum in gaudio cum vultu tuo.
versículo 8: Quoniam rex sperat in Domino, et in misericordia Altissimi non commovebitur.
versículo 9: Inveniatur manus tua omnibus inimicis tuis; dextera tua inveniat omnes qui te oderunt.
versículo 10: Pones eos ut clibanum ignis in tempore vultus tui: Dominus in ira sua conturbabit eos, et devorabit eos ignis.
versículo 11: Fructum eorum de terra perdes, et semen eorum a filiis hominum,
versículo 12: quoniam declinaverunt in te mala; cogitaverunt consilia quæ non potuerunt stabilire.
versículo 13: Quoniam pones eos dorsum; in reliquiis tuis præparabis vultum eorum.
versículo 14: Exaltare, Domine, in virtute tua; cantabimus et psallemus virtutes tuas.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.