Psalterium · Vulgata Clementina
Salmo 27
Ad te, Domine, clamabo
Numeração da Vulgata · Sl 27 (28 na numeração hebraica)
Coro I à esquerda · Coro II recuado
marcas de salmodia em revisão
versículo 1: Ad te, Domine, clamabo; Deus meus, ne sileas a me: nequando taceas a me, et assimilabor descendentibus in lacum.
versículo 2: Exaudi, Domine, vocem deprecationis meæ dum oro ad te; dum extollo manus meas ad templum sanctum tuum.
versículo 3: Ne simul trahas me cum peccatoribus, et cum operantibus iniquitatem ne perdas me; qui loquuntur pacem cum proximo suo, mala autem in cordibus eorum.
versículo 4: Da illis secundum opera eorum, et secundum nequitiam adinventionum ipsorum. Secundum opera manuum eorum tribue illis; redde retributionem eorum ipsis.
versículo 5: Quoniam non intellexerunt opera Domini, et in opera manuum eius destrues illos, et non ædificabis eos.
versículo 6: Benedictus Dominus, quoniam exaudivit vocem deprecationis meæ.
versículo 7: Dominus adiutor meus et protector meus; in ipso speravit cor meum, et adiutus sum: et refloruit caro mea, et ex voluntate mea confitebor ei.
versículo 8: Dominus fortitudo plebis suæ, et protector salvationum christi sui est.
versículo 9: Salvum fac populum tuum, Domine, et benedic hæreditati tuæ; et rege eos, et extolle illos usque in æternum.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.