Psalterium · Vulgata Clementina
Salmo 26
Dominus illuminatio mea et salus mea
Numeração da Vulgata · Sl 26 (27 na numeração hebraica)
Coro I à esquerda · Coro II recuado
marcas de salmodia em revisão
versículo 1: Dominus illuminatio mea et salus mea: quem timebo? Dominus protector vitæ meæ: a quo trepidabo?
versículo 2: Dum appropiant super me nocentes ut edant carnes meas, qui tribulant me inimici mei, ipsi infirmati sunt et ceciderunt.
versículo 3: Si consistant adversum me castra, non timebit cor meum; si exsurgat adversum me prælium, in hoc ego sperabo.
versículo 4: Unam petii a Domino, hanc requiram, ut inhabitem in domo Domini omnibus diebus vitæ meæ; ut videam voluptatem Domini, et visitem templum eius.
versículo 5: Quoniam abscondit me in tabernaculo suo; in die malorum protexit me in abscondito tabernaculi sui.
versículo 6: In petra exaltavit me, et nunc exaltavit caput meum super inimicos meos. Circuivi, et immolavi in tabernaculo eius hostiam vociferationis; cantabo, et psalmum dicam Domino.
versículo 7: Exaudi, Domine, vocem meam, qua clamavi ad te; miserere mei, et exaudi me.
versículo 8: Tibi dixit cor meum: Exquisivit te facies mea; faciem tuam, Domine, requiram.
versículo 9: Ne avertas faciem tuam a me; ne declines in ira a servo tuo. Adiutor meus esto; ne derelinquas me, neque despicias me, Deus salutaris meus.
versículo 10: Quoniam pater meus et mater mea dereliquerunt me; Dominus autem assumpsit me.
versículo 11: Legem pone mihi, Domine, in via tua, et dirige me in semitam rectam, propter inimicos meos.
versículo 12: Ne tradideris me in animas tribulantium me, quoniam insurrexerunt in me testes iniqui, et mentita est iniquitas sibi.
versículo 13: Credo videre bona Domini in terra viventium.
versículo 14: Expecta Dominum, viriliter age: et confortetur cor tuum, et sustine Dominum.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.