Psalterium · Vulgata Clementina
Salmo 29
Exaltabo te, Domine, quoniam suscepisti me
Numeração da Vulgata · Sl 29 (30 na numeração hebraica)
Coro I à esquerda · Coro II recuado
marcas de salmodia em revisão
versículo 2: Exaltabo te, Domine, quoniam suscepisti me, nec delectasti inimicos meos super me.
versículo 3: Domine Deus meus, clamavi ad te, et sanasti me.
versículo 4: Domine, eduxisti ab inferno animam meam; salvasti me a descendentibus in lacum.
versículo 5: Psallite Domino, sancti eius; et confitemini memoriæ sanctitatis eius.
versículo 6: Quoniam ira in indignatione eius, et vita in voluntate eius: ad vesperum demorabitur fletus, et ad matutinum lætitia.
versículo 7: Ego autem dixi in abundantia mea: Non movebor in æternum.
versículo 8: Domine, in voluntate tua præstitisti decori meo virtutem; avertisti faciem tuam a me, et factus sum conturbatus.
versículo 9: Ad te, Domine, clamabo, et ad Deum meum deprecabor.
versículo 10: Quæ utilitas in sanguine meo, dum descendo in corruptionem? numquid confitebitur tibi pulvis, aut annuntiabit veritatem tuam?
versículo 11: Audivit Dominus, et misertus est mei; Dominus factus est adiutor meus.
versículo 12: Convertisti planctum meum in gaudium mihi; conscidisti saccum meum, et circumdedisti me lætitia:
versículo 13: ut cantet tibi gloria mea, et non compungar. Domine Deus meus, in æternum confitebor tibi.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.