Psalterium · Vulgata Clementina
Salmo 30
In te, Domine, speravi
Numeração da Vulgata · Sl 30 (31 na numeração hebraica)
Coro I à esquerda · Coro II recuado
marcas de salmodia em revisão
versículo 2: In te, Domine, speravi; non confundar in æternum: in iustitia tua libera me.
versículo 3: Inclina ad me aurem tuam; accelera ut eruas me. Esto mihi in Deum protectorem, et in domum refugii, ut salvum me facias:
versículo 4: quoniam fortitudo mea et refugium meum es tu; et propter nomen tuum deduces me et enutries me.
versículo 5: Educes me de laqueo hoc quem absconderunt mihi, quoniam tu es protector meus.
versículo 6: In manus tuas commendo spiritum meum; redemisti me, Domine Deus veritatis.
versículo 7: Odisti observantes vanitates supervacue; ego autem in Domino speravi.
versículo 8: Exsultabo, et lætabor in misericordia tua, quoniam respexisti humilitatem meam; salvasti de necessitatibus animam meam.
versículo 9: Nec conclusisti me in manibus inimici: statuisti in loco spatioso pedes meos.
versículo 10: Miserere mei, Domine, quoniam tribulor; conturbatus est in ira oculus meus, anima mea, et venter meus.
versículo 11: Quoniam defecit in dolore vita mea, et anni mei in gemitibus. Infirmata est in paupertate virtus mea, et ossa mea conturbata sunt.
versículo 12: Super omnes inimicos meos factus sum opprobrium, et vicinis meis valde, et timor notis meis; qui videbant me foras fugerunt a me.
versículo 13: Oblivioni datus sum, tamquam mortuus a corde; factus sum tamquam vas perditum:
versículo 14: quoniam audivi vituperationem multorum commorantium in circuitu. In eo dum convenirent simul adversum me, accipere animam meam consiliati sunt.
versículo 15: Ego autem in te speravi, Domine; dixi: Deus meus es tu;
versículo 16: in manibus tuis sortes meæ: eripe me de manu inimicorum meorum, et a persequentibus me.
versículo 17: Illustra faciem tuam super servum tuum; salvum me fac in misericordia tua.
versículo 18: Domine, non confundar, quoniam invocavi te. Erubescant impii, et deducantur in infernum;
versículo 19: muta fiant labia dolosa, quæ loquuntur adversus iustum iniquitatem, in superbia, et in abusione.
versículo 20: Quam magna multitudo dulcedinis tuæ, Domine, quam abscondisti timentibus te; perfecisti eis qui sperant in te in conspectu filiorum hominum!
versículo 21: Abscondes eos in abscondito faciei tuæ a conturbatione hominum; proteges eos in tabernaculo tuo, a contradictione linguarum.
versículo 22: Benedictus Dominus, quoniam mirificavit misericordiam suam mihi in civitate munita.
versículo 23: Ego autem dixi in excessu mentis meæ: Proiectus sum a facie oculorum tuorum: ideo exaudisti vocem orationis meæ, dum clamarem ad te.
versículo 24: Diligite Dominum, omnes sancti eius, quoniam veritatem requiret Dominus, et retribuet abundanter facientibus superbiam.
versículo 25: Viriliter agite, et confortetur cor vestrum, omnes qui speratis in Domino.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.