Psalterium · Vulgata Clementina
Salmo 45
Deus noster refugium et virtus
Numeração da Vulgata · Sl 45 (46 na numeração hebraica)
Coro I à esquerda · Coro II recuado
marcas de salmodia em revisão
versículo 2: Deus noster refugium et virtus; adiutor in tribulationibus quæ invenerunt nos nimis.
versículo 3: Propterea non timebimus dum turbabitur terra, et transferentur montes in cor maris.
versículo 4: Sonuerunt, et turbatæ sunt aquæ eorum; conturbati sunt montes in fortitudine eius.
versículo 5: Fluminis impetus lætificat civitatem Dei: sanctificavit tabernaculum suum Altissimus.
versículo 6: Deus in medio eius, non commovebitur; adiuvabit eam Deus mane diluculo.
versículo 7: Conturbatæ sunt gentes, et inclinata sunt regna: dedit vocem suam, mota est terra.
versículo 8: Dominus virtutum nobiscum; susceptor noster Deus Iacob.
versículo 9: Venite, et videte opera Domini, quæ posuit prodigia super terram,
versículo 10: auferens bella usque ad finem terræ. Arcum conteret, et confringet arma, et scuta comburet igni.
versículo 11: Vacate, et videte quoniam ego sum Deus; exaltabor in gentibus, et exaltabor in terra.
versículo 12: Dominus virtutum nobiscum; susceptor noster Deus Iacob.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.