Psalterium · Vulgata Clementina
Salmo 44
Eructavit cor meum verbum bonum
Numeração da Vulgata · Sl 44 (45 na numeração hebraica)
Coro I à esquerda · Coro II recuado
marcas de salmodia em revisão
versículo 2: Eructavit cor meum verbum bonum: dico ego opera mea regi. Lingua mea calamus scribæ velociter scribentis.
versículo 3: Speciosus forma præ filiis hominum, diffusa est gratia in labiis tuis: propterea benedixit te Deus in æternum.
versículo 4: Accingere gladio tuo super femur tuum, potentissime.
versículo 5: Specie tua et pulchritudine tua intende, prospere procede, et regna, propter veritatem, et mansuetudinem, et iustitiam; et deducet te mirabiliter dextera tua.
versículo 6: Sagittæ tuæ acutæ: populi sub te cadent, in corda inimicorum regis.
versículo 7: Sedes tua, Deus, in sæculum sæculi; virga directionis virga regni tui.
versículo 8: Dilexisti iustitiam, et odisti iniquitatem; propterea unxit te Deus, Deus tuus, oleo lætitiæ, præ consortibus tuis.
versículo 9: Myrrha, et gutta, et casia a vestimentis tuis, a domibus eburneis; ex quibus delectaverunt te
versículo 10: filiæ regum in honore tuo. Astitit regina a dextris tuis in vestitu deaurato, circumdata varietate.
versículo 11: Audi, filia, et vide, et inclina aurem tuam; et obliviscere populum tuum, et domum patris tui.
versículo 12: Et concupiscet rex decorem tuum, quoniam ipse est Dominus Deus tuus, et adorabunt eum.
versículo 13: Et filiæ Tyri in muneribus vultum tuum deprecabuntur; omnes divites plebis.
versículo 14: Omnis gloria eius filiæ regis ab intus, in fimbriis aureis,
versículo 15: circumamicta varietatibus. Adducentur regi virgines post eam; proximæ eius afferentur tibi.
versículo 16: Afferentur in lætitia et exsultatione; adducentur in templum regis.
versículo 17: Pro patribus tuis nati sunt tibi filii; constitues eos principes super omnem terram.
versículo 18: Memores erunt nominis tui in omni generatione et generationem: propterea populi confitebuntur tibi in æternum, et in sæculum sæculi.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.