Psalterium · Vulgata Clementina
Salmo 54
Exaudi, Deus, orationem meam, et ne despexeris
Numeração da Vulgata · Sl 54 (55 na numeração hebraica)
Coro I à esquerda · Coro II recuado
marcas de salmodia em revisão
versículo 2: Exaudi, Deus, orationem meam, et ne despexeris deprecationem meam:
versículo 3: intende mihi, et exaudi me. Contristatus sum in exercitatione mea, et conturbatus sum
versículo 4: a voce inimici, et a tribulatione peccatoris. Quoniam declinaverunt in me iniquitates, et in ira molesti erant mihi.
versículo 5: Cor meum conturbatum est in me, et formido mortis cecidit super me.
versículo 6: Timor et tremor venerunt super me, et contexerunt me tenebræ.
versículo 7: Et dixi: Quis dabit mihi pennas sicut columbæ, et volabo, et requiescam?
versículo 8: Ecce elongavi fugiens, et mansi in solitudine.
versículo 9: Exspectabam eum qui salvum me fecit a pusillanimitate spiritus, et tempestate.
versículo 10: Præcipita, Domine; divide linguas eorum: quoniam vidi iniquitatem et contradictionem in civitate.
versículo 11: Die ac nocte circumdabit eam super muros eius iniquitas; et labor in medio eius,
versículo 12: et iniustitia: et non defecit de plateis eius usura et dolus.
versículo 13: Quoniam si inimicus meus maledixisset mihi, sustinuissem utique. Et si is qui oderat me super me magna locutus fuisset, abscondissem me forsitan ab eo.
versículo 14: Tu vero homo unanimis, dux meus, et notus meus:
versículo 15: qui simul mecum dulces capiebas cibos; in domo Dei ambulavimus cum consensu.
versículo 16: Veniat mors super illos, et descendant in infernum viventes: quoniam nequitiæ in habitaculis eorum, in medio eorum.
versículo 17: Ego autem ad Deum clamavi, et Dominus salvabit me.
versículo 18: Vespere, et mane, et meridie, narrabo, et annuntiabo; et exaudiet vocem meam.
versículo 19: Redimet in pace animam meam ab his qui appropinquant mihi: quoniam inter multos erant mecum.
versículo 20: Exaudiet Deus, et humiliabit illos, qui est ante sæcula. Non enim est illis commutatio, et non timuerunt Deum.
versículo 21: Extendit manum suam in retribuendo; contaminaverunt testamentum eius:
versículo 22: divisi sunt ab ira vultus eius, et appropinquavit cor illius. Molliti sunt sermones eius super oleum; et ipsi sunt iacula.
versículo 23: Iacta super Dominum curam tuam, et ipse te enutriet; non dabit in æternum fluctuationem iusto.
versículo 24: Tu vero, Deus, deduces eos in puteum interitus. Viri sanguinum et dolosi non dimidiabunt dies suos; ego autem sperabo in te, Domine.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.