Psalterium · Vulgata Clementina
Salmo 55
Miserere mei, Deus, quoniam conculcavit me homo
Numeração da Vulgata · Sl 55 (56 na numeração hebraica)
Coro I à esquerda · Coro II recuado
marcas de salmodia em revisão
versículo 2: Miserere mei, Deus, quoniam conculcavit me homo; tota die impugnans, tribulavit me.
versículo 3: Conculcaverunt me inimici mei tota die, quoniam multi bellantes adversum me.
versículo 4: Ab altitudine diei timebo: ego vero in te sperabo.
versículo 5: In Deo laudabo sermones meos; in Deo speravi: non timebo quid faciat mihi caro.
versículo 6: Tota die verba mea execrabantur; adversum me omnes cogitationes eorum in malum.
versículo 7: Inhabitabunt, et abscondent; ipsi calcaneum meum observabunt. Sicut sustinuerunt animam meam,
versículo 8: pro nihilo salvos facies illos; in ira populos confringes.
versículo 9: Deus, vitam meam annuntiavi tibi; posuisti lacrimas meas in conspectu tuo, sicut et in promissione tua:
versículo 10: tunc convertentur inimici mei retrorsum. In quacumque die invocavero te, ecce cognovi quoniam Deus meus es.
versículo 11: In Deo laudabo verbum; in Domino laudabo sermonem. In Deo speravi: non timebo quid faciat mihi homo.
versículo 12: In me sunt, Deus, vota tua, quæ reddam, laudationes tibi:
versículo 13: quoniam eripuisti animam meam de morte, et pedes meos de lapsu, ut placeam coram Deo in lumine viventium.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.