Psalterium · Vulgata Clementina
Salmo 56
Miserere mei, Deus, miserere mei
Numeração da Vulgata · Sl 56 (57 na numeração hebraica)
Coro I à esquerda · Coro II recuado
marcas de salmodia em revisão
versículo 2: Miserere mei, Deus, miserere mei, quoniam in te confidit anima mea. Et in umbra alarum tuarum sperabo, donec transeat iniquitas.
versículo 3: Clamabo ad Deum altissimum, Deum qui benefecit mihi.
versículo 4: Misit de cælo, et liberavit me; dedit in opprobrium conculcantes me. Misit Deus misericordiam suam et veritatem suam,
versículo 5: et eripuit animam meam de medio catulorum leonum. Dormivi conturbatus. Filii hominum dentes eorum arma et sagittæ, et lingua eorum gladius acutus.
versículo 6: Exaltare super cælos, Deus, et in omnem terram gloria tua.
versículo 7: Laqueum paraverunt pedibus meis, et incurvaverunt animam meam. Foderunt ante faciem meam foveam, et inciderunt in eam.
versículo 8: Paratum cor meum, Deus, paratum cor meum; cantabo, et psalmum dicam.
versículo 9: Exsurge, gloria mea; exsurge, psalterium et cithara: exsurgam diluculo.
versículo 10: Confitebor tibi in populis, Domine, et psalmum dicam tibi in gentibus:
versículo 11: quoniam magnificata est usque ad cælos misericordia tua, et usque ad nubes veritas tua.
versículo 12: Exaltare super cælos, Deus, et super omnem terram gloria tua.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.