Psalterium · Vulgata Clementina
Salmo 58
Eripe me de inimicis meis, Deus meus
Numeração da Vulgata · Sl 58 (59 na numeração hebraica)
Coro I à esquerda · Coro II recuado
marcas de salmodia em revisão
versículo 2: Eripe me de inimicis meis, Deus meus, et ab insurgentibus in me libera me.
versículo 3: Eripe me de operantibus iniquitatem, et de viris sanguinum salva me.
versículo 4: Quia ecce ceperunt animam meam; irruerunt in me fortes.
versículo 5: Neque iniquitas mea, neque peccatum meum, Domine; sine iniquitate cucurri, et direxi.
versículo 6: Exsurge in occursum meum, et vide: et tu, Domine Deus virtutum, Deus Israël, intende ad visitandas omnes gentes: non miserearis omnibus qui operantur iniquitatem.
versículo 7: Convertentur ad vesperam, et famem patientur ut canes: et circuibunt civitatem.
versículo 8: Ecce loquentur in ore suo, et gladius in labiis eorum: quoniam quis audivit?
versículo 9: Et tu, Domine, deridebis eos; ad nihilum deduces omnes gentes.
versículo 10: Fortitudinem meam ad te custodiam, quia, Deus, susceptor meus es:
versículo 11: Deus meus misericordia eius præveniet me.
versículo 12: Deus ostendet mihi super inimicos meos: ne occidas eos, nequando obliviscantur populi mei. Disperge illos in virtute tua, et depone eos, protector meus, Domine:
versículo 13: delictum oris eorum, sermonem labiorum ipsorum; et comprehendantur in superbia sua. Et de execratione et mendacio annuntiabuntur
versículo 14: in consummatione: in ira consummationis, et non erunt. Et scient quia Deus dominabitur Iacob, et finium terræ.
versículo 15: Convertentur ad vesperam, et famem patientur ut canes: et circuibunt civitatem.
versículo 16: Ipsi dispergentur ad manducandum; si vero non fuerint saturati, et murmurabunt.
versículo 17: Ego autem cantabo fortitudinem tuam, et exsultabo mane misericordiam tuam: quia factus es susceptor meus, et refugium meum in die tribulationis meæ.
versículo 18: Adiutor meus, tibi psallam, quia Deus susceptor meus es; Deus meus, misericordia mea.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.