Salmo 65

1versículo 1: Iubilate Deo, omnis terra;

2versículo 2: psalmum dicite nomini eius; date gloriam laudi eius.

3versículo 3: Dicite Deo: Quam terribilia sunt opera tua, Domine! in multitudine virtutis tuæ mentientur tibi inimici tui.

4versículo 4: Omnis terra adoret te, et psallat tibi; psalmum dicat nomini tuo.

5versículo 5: Venite, et videte opera Dei: terribilis in consiliis super filios hominum.

6versículo 6: Qui convertit mare in aridam; in flumine pertransibunt pede: ibi lætabimur in ipso.

7versículo 7: Qui dominatur in virtute sua in æternum; oculi eius super gentes respiciunt: qui exasperant non exaltentur in semetipsis.

8versículo 8: Benedicite, gentes, Deum nostrum, et auditam facite vocem laudis eius:

9versículo 9: qui posuit animam meam ad vitam, et non dedit in commotionem pedes meos.

10versículo 10: Quoniam probasti nos, Deus; igne nos examinasti, sicut examinatur argentum.

11versículo 11: Induxisti nos in laqueum; posuisti tribulationes in dorso nostro;

12versículo 12: imposuisti homines super capita nostra. Transivimus per ignem et aquam, et eduxisti nos in refrigerium.

13versículo 13: Introibo in domum tuam in holocaustis; reddam tibi vota mea

14versículo 14: quæ distinxerunt labia mea: et locutum est os meum in tribulatione mea.

15versículo 15: Holocausta medullata offeram tibi, cum incenso arietum; offeram tibi boves cum hircis.

16versículo 16: Venite, audite, et narrabo, omnes qui timetis Deum, quanta fecit animæ meæ.

17versículo 17: Ad ipsum ore meo clamavi, et exaltavi sub lingua mea.

18versículo 18: Iniquitatem si aspexi in corde meo, non exaudiet Dominus.

19versículo 19: Propterea exaudivit Deus, et attendit voci deprecationis meæ.

20versículo 20: Benedictus Deus, qui non amovit orationem meam, et misericordiam suam a me.

doxologia: Gloria Patri, et Filio, et Spiritui Sancto.

doxologia: Sicut erat in principio, et nunc, et semper, et in sæcula sæculorum. Amen.