Psalterium · Vulgata Clementina
Salmo 64
Te decet hymnus, Deus, in Sion
Numeração da Vulgata · Sl 64 (65 na numeração hebraica)
Coro I à esquerda · Coro II recuado
marcas de salmodia em revisão
versículo 2: Te decet hymnus, Deus, in Sion, et tibi reddetur votum in Ierusalem.
versículo 3: Exaudi orationem meam; ad te omnis caro veniet.
versículo 4: Verba iniquorum prævaluerunt super nos, et impietatibus nostris tu propitiaberis.
versículo 5: Beatus quem elegisti et assumpsisti: inhabitabit in atriis tuis. Replebimur in bonis domus tuæ; sanctum est templum tuum,
versículo 6: mirabile in æquitate. Exaudi nos, Deus, salutaris noster, spes omnium finium terræ, et in mari longe.
versículo 7: Præparans montes in virtute tua, accinctus potentia;
versículo 8: qui conturbas profundum maris, sonum fluctuum eius. Turbabuntur gentes,
versículo 9: et timebunt qui habitant terminos a signis tuis; exitus matutini et vespere delectabis.
versículo 10: Visitasti terram, et inebriasti eam; multiplicasti locupletare eam. Flumen Dei repletum est aquis; parasti cibum illorum: quoniam ita est præparatio eius.
versículo 11: Rivos eius inebria; multiplica genimina eius: in stillicidiis eius lætabitur germinans.
versículo 12: Benedices coronæ anni benignitatis tuæ, et campi tui replebuntur ubertate.
versículo 13: Pinguescent speciosa deserti, et exsultatione colles accingentur.
versículo 14: Induti sunt arietes ovium, et valles abundabunt frumento; clamabunt, etenim hymnum dicent.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.