Salmo 68

2versículo 2: Salvum me fac, Deus, quoniam intraverunt aquæ usque ad animam meam.

3versículo 3: Infixus sum in limo profundi et non est substantia. Veni in altitudinem maris, et tempestas demersit me.

4versículo 4: Laboravi clamans, raucæ factæ sunt fauces meæ; defecerunt oculi mei, dum spero in Deum meum.

5versículo 5: Multiplicati sunt super capillos capitis mei qui oderunt me gratis. Confortati sunt qui persecuti sunt me inimici mei iniuste; quæ non rapui, tunc exsolvebam.

6versículo 6: Deus, tu scis insipientiam meam; et delicta mea a te non sunt abscondita.

7versículo 7: Non erubescant in me qui exspectant te, Domine, Domine virtutum; non confundantur super me qui quærunt te, Deus Israël.

8versículo 8: Quoniam propter te sustinui opprobrium; operuit confusio faciem meam.

9versículo 9: Extraneus factus sum fratribus meis, et peregrinus filiis matris meæ.

10versículo 10: Quoniam zelus domus tuæ comedit me, et opprobria exprobrantium tibi ceciderunt super me.

11versículo 11: Et operui in ieiunio animam meam, et factum est in opprobrium mihi.

12versículo 12: Et posui vestimentum meum cilicium; et factus sum illis in parabolam.

13versículo 13: Adversum me loquebantur qui sedebant in porta, et in me psallebant qui bibebant vinum.

14versículo 14: Ego vero orationem meam ad te, Domine; tempus beneplaciti, Deus. In multitudine misericordiæ tuæ, exaudi me in veritate salutis tuæ.

15versículo 15: Eripe me de luto, ut non infigar; libera me ab iis qui oderunt me, et de profundis aquarum.

16versículo 16: Non me demergat tempestas aquæ, neque absorbeat me profundum, neque urgeat super me puteus os suum.

17versículo 17: Exaudi me, Domine, quoniam benigna est misericordia tua; secundum multitudinem miserationum tuarum respice in me.

18versículo 18: Et ne avertas faciem tuam a puero tuo; quoniam tribulor, velociter exaudi me.

19versículo 19: Intende animæ meæ, et libera eam; propter inimicos meos, eripe me.

20versículo 20: Tu scis improperium meum, et confusionem meam, et reverentiam meam;

21versículo 21: in conspectu tuo sunt omnes qui tribulant me. Improperium exspectavit cor meum et miseriam: et sustinui qui simul contristaretur, et non fuit; et qui consolaretur, et non inveni.

22versículo 22: Et dederunt in escam meam fel, et in siti mea potaverunt me aceto.

23versículo 23: Fiat mensa eorum coram ipsis in laqueum, et in retributiones, et in scandalum.

24versículo 24: Obscurentur oculi eorum, ne videant, et dorsum eorum semper incurva.

25versículo 25: Effunde super eos iram tuam, et furor iræ tuæ comprehendat eos.

26versículo 26: Fiat habitatio eorum deserta, et in tabernaculis eorum non sit qui inhabitet.

27versículo 27: Quoniam quem tu percussisti persecuti sunt, et super dolorem vulnerum meorum addiderunt.

28versículo 28: Appone iniquitatem super iniquitatem eorum, et non intrent in iustitiam tuam.

29versículo 29: Deleantur de libro viventium, et cum iustis non scribantur.

30versículo 30: Ego sum pauper et dolens; salus tua, Deus, suscepit me.

31versículo 31: Laudabo nomen Dei cum cantico, et magnificabo eum in laude:

32versículo 32: et placebit Deo super vitulum novellum, cornua producentem et ungulas.

33versículo 33: Videant pauperes, et lætentur; quærite Deum, et vivet anima vestra:

34versículo 34: quoniam exaudivit pauperes Dominus, et vinctos suos non despexit.

35versículo 35: Laudent illum cæli et terra; mare, et omnia reptilia in eis.

36versículo 36: Quoniam Deus salvam faciet Sion, et ædificabuntur civitates Iuda, et inhabitabunt ibi, et hæreditate acquirent eam.

37versículo 37: Et semen servorum eius possidebit eam; et qui diligunt nomen eius habitabunt in ea.

doxologia: Gloria Patri, et Filio, et Spiritui Sancto.

doxologia: Sicut erat in principio, et nunc, et semper, et in sæcula sæculorum. Amen.