Psalterium · Vulgata Clementina
Salmo 70
In te, Domine, speravi
Numeração da Vulgata · Sl 70 (71 na numeração hebraica)
Coro I à esquerda · Coro II recuado
marcas de salmodia em revisão
versículo 1: In te, Domine, speravi; non confundar in æternum.
versículo 2: In iustitia tua libera me, et eripe me: inclina ad me aurem tuam, et salva me.
versículo 3: Esto mihi in Deum protectorem, et in locum munitum, ut salvum me facias: quoniam firmamentum meum et refugium meum es tu.
versículo 4: Deus meus, eripe me de manu peccatoris, et de manu contra legem agentis, et iniqui:
versículo 5: quoniam tu es patientia mea, Domine; Domine, spes mea a iuventute mea.
versículo 6: In te confirmatus sum ex utero; de ventre matris meæ tu es protector meus; in te cantatio mea semper.
versículo 7: Tamquam prodigium factus sum multis; et tu adiutor fortis.
versículo 8: Repleatur os meum laude, ut cantem gloriam tuam, tota die magnitudinem tuam.
versículo 9: Ne proiicias me in tempore senectutis; cum defecerit virtus mea, ne derelinquas me.
versículo 10: Quia dixerunt inimici mei mihi, et qui custodiebant animam meam consilium fecerunt in unum,
versículo 11: dicentes: Deus dereliquit eum: persequimini et comprehendite eum, quia non est qui eripiat.
versículo 12: Deus, ne elongeris a me; Deus meus, in auxilium meum respice.
versículo 13: Confundantur et deficiant detrahentes animæ meæ; operiantur confusione et pudore qui quærunt mala mihi.
versículo 14: Ego autem semper sperabo, et adiiciam super omnem laudem tuam.
versículo 15: Os meum annuntiabit iustitiam tuam, tota die salutare tuum. Quoniam non cognovi litteraturam,
versículo 16: introibo in potentias Domini; Domine, memorabor iustitiæ tuæ solius.
versículo 17: Deus, docuisti me a iuventute mea; et usque nunc pronuntiabo mirabilia tua.
versículo 18: Et usque in senectam et senium, Deus, ne derelinquas me, donec annuntiem brachium tuum generationi omni quæ ventura est, potentiam tuam,
versículo 19: et iustitiam tuam, Deus, usque in altissima; quæ fecisti magnalia, Deus: quis similis tibi?
versículo 20: Quantas ostendisti mihi tribulationes multas et malas! et conversus vivificasti me, et de abyssis terræ iterum reduxisti me.
versículo 21: Multiplicasti magnificentiam tuam; et conversus consolatus es me.
versículo 22: Nam et ego confitebor tibi in vasis psalmi veritatem tuam, Deus; psallam tibi in cithara, sanctus Israël.
versículo 23: Exsultabunt labia mea cum cantavero tibi; et anima mea quam redemisti.
versículo 24: Sed et lingua mea tota die meditabitur iustitiam tuam, cum confusi et reveriti fuerint qui quærunt mala mihi.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.