Salmo 71

2versículo 2: Deus, iudicium tuum regi da, et iustitiam tuam filio regis; iudicare populum tuum in iustitia, et pauperes tuos in iudicio.

3versículo 3: Suscipiant montes pacem populo, et colles iustitiam.

4versículo 4: Iudicabit pauperes populi, et salvos faciet filios pauperum, et humiliabit calumniatorem.

5versículo 5: Et permanebit cum sole, et ante lunam, in generatione et generationem.

6versículo 6: Descendet sicut pluvia in vellus, et sicut stillicidia stillantia super terram.

7versículo 7: Orietur in diebus eius iustitia, et abundantia pacis, donec auferatur luna.

8versículo 8: Et dominabitur a mari usque ad mare, et a flumine usque ad terminos orbis terrarum.

9versículo 9: Coram illo procident Æthiopes, et inimici eius terram lingent.

10versículo 10: Reges Tharsis et insulæ munera offerent; reges Arabum et Saba dona adducent:

11versículo 11: et adorabunt eum omnes reges terræ; omnes gentes servient ei.

12versículo 12: Quia liberabit pauperem a potente, et pauperem cui non erat adiutor.

13versículo 13: Parcet pauperi et inopi, et animas pauperum salvas faciet.

14versículo 14: Ex usuris et iniquitate redimet animas eorum, et honorabile nomen eorum coram illo.

15versículo 15: Et vivet, et dabitur ei de auro Arabiæ; et adorabunt de ipso semper, tota die benedicent ei.

16versículo 16: Et erit firmamentum in terra in summis montium; superextolletur super Libanum fructus eius, et florebunt de civitate sicut fœnum terræ.

17versículo 17: Sit nomen eius benedictum in sæcula; ante solem permanet nomen eius. Et benedicentur in ipso omnes tribus terræ; omnes gentes magnificabunt eum.

18versículo 18: Benedictus Dominus Deus Israël, qui facit mirabilia solus.

19versículo 19: Et benedictum nomen maiestatis eius in æternum, et replebitur maiestate eius omnis terra. Fiat, fiat.

20versículo 20: Defecerunt laudes David, filii Iesse.

doxologia: Gloria Patri, et Filio, et Spiritui Sancto.

doxologia: Sicut erat in principio, et nunc, et semper, et in sæcula sæculorum. Amen.