Salmo 9

2versículo 2: Confitebor tibi, Domine, in toto corde meo; narrabo omnia mirabilia tua.

3versículo 3: Lætabor et exsultabo in te; psallam nomini tuo, Altissime.

4versículo 4: In convertendo inimicum meum retrorsum; infirmabuntur, et peribunt a facie tua.

5versículo 5: Quoniam fecisti iudicium meum et causam meam; sedisti super thronum, qui iudicas iustitiam.

6versículo 6: Increpasti gentes, et periit impius: nomen eorum delesti in æternum, et in sæculum sæculi.

7versículo 7: Inimici defecerunt frameæ in finem, et civitates eorum destruxisti. Periit memoria eorum cum sonitu;

8versículo 8: et Dominus in æternum permanet. Paravit in iudicio thronum suum,

9versículo 9: et ipse iudicabit orbem terræ in æquitate: iudicabit populos in iustitia.

10versículo 10: Et factus est Dominus refugium pauperi; adiutor in opportunitatibus, in tribulatione.

11versículo 11: Et sperent in te qui noverunt nomen tuum, quoniam non dereliquisti quærentes te, Domine.

12versículo 12: Psallite Domino qui habitat in Sion; annuntiate inter gentes studia eius:

13versículo 13: quoniam requirens sanguinem eorum recordatus est; non est oblitus clamorem pauperum.

14versículo 14: Miserere mei, Domine: vide humilitatem meam de inimicis meis,

15versículo 15: qui exaltas me de portis mortis, ut annuntiem omnes laudationes tuas in portis filiæ Sion:

16versículo 16: exultabo in salutari tuo. Infixæ sunt gentes in interitu quem fecerunt; in laqueo isto quem absconderunt comprehensus est pes eorum.

17versículo 17: Cognoscetur Dominus iudicia faciens; in operibus manuum suarum comprehensus est peccator.

18versículo 18: Convertantur peccatores in infernum, omnes gentes quæ obliviscuntur Deum.

19versículo 19: Quoniam non in finem oblivio erit pauperis; patientia pauperum non peribit in finem.

20versículo 20: Exsurge, Domine; non confortetur homo: iudicentur gentes in conspectu tuo.

21versículo 21: Constitue, Domine, legislatorem super eos, ut sciant gentes quoniam homines sunt.

22versículo 22: Ut quid, Domine, recessisti longe; despicis in opportunitatibus, in tribulatione?

23versículo 23: Dum superbit impius, incenditur pauper: comprehenduntur in consiliis quibus cogitant.

24versículo 24: Quoniam laudatur peccator in desideriis animæ suæ, et iniquus benedicitur.

25versículo 25: Exacerbavit Dominum peccator: secundum multitudinem iræ suæ, non quæret.

26versículo 26: Non est Deus in conspectu eius; inquinatæ sunt viæ illius in omni tempore. Auferuntur iudicia tua a facie eius; omnium inimicorum suorum dominabitur.

27versículo 27: Dixit enim in corde suo: Non movebor a generatione in generationem, sine malo.

28versículo 28: Cuius maledictione os plenum est, et amaritudine, et dolo; sub lingua eius labor et dolor.

29versículo 29: Sedet in insidiis cum divitibus in occultis, ut interficiat innocentem.

30versículo 30: Oculi eius in pauperem respiciunt; insidiatur in abscondito, quasi leo in spelunca sua. Insidiatur ut rapiat pauperem; rapere pauperem dum attrahit eum.

31versículo 31: In laqueo suo humiliabit eum; inclinabit se, et cadet cum dominatus fuerit pauperum.

32versículo 32: Dixit enim in corde suo: Oblitus est Deus; avertit faciem suam, ne videat in finem.

33versículo 33: Exsurge, Domine Deus, exaltetur manus tua; ne obliviscaris pauperum.

34versículo 34: Propter quid irritavit impius Deum? dixit enim in corde suo: Non requiret.

35versículo 35: Vides, quoniam tu laborem et dolorem consideras, ut tradas eos in manus tuas. Tibi derelictus est pauper; orphano tu eris adiutor.

36versículo 36: Contere brachium peccatoris et maligni; quæretur peccatum illius, et non invenietur.

37versículo 37: Dominus regnabit in æternum, et in sæculum sæculi; peribitis, gentes, de terra illius.

38versículo 38: Desiderium pauperum exaudivit Dominus; præparationem cordis eorum audivit auris tua:

39versículo 39: iudicare pupillo et humili, ut non apponat ultra magnificare se homo super terram.

doxologia: Gloria Patri, et Filio, et Spiritui Sancto.

doxologia: Sicut erat in principio, et nunc, et semper, et in sæcula sæculorum. Amen.