Psalterium · Vulgata Clementina
Salmo 93
Deus ultionum Dominus
Numeração da Vulgata · Sl 93 (94 na numeração hebraica)
Coro I à esquerda · Coro II recuado
marcas de salmodia em revisão
versículo 1: Deus ultionum Dominus; Deus ultionum libere egit.
versículo 2: Exaltare, qui iudicas terram; redde retributionem superbis.
versículo 3: Usquequo peccatores, Domine, usquequo peccatores gloriabuntur;
versículo 4: effabuntur et loquentur iniquitatem; loquentur omnes qui operantur iniustitiam?
versículo 5: Populum tuum, Domine, humiliaverunt, et hæreditatem tuam vexaverunt.
versículo 6: Viduam et advenam interfecerunt, et pupillos occiderunt.
versículo 7: Et dixerunt: Non videbit Dominus, nec intelliget Deus Iacob.
versículo 8: Intelligite, insipientes in populo; et stulti, aliquando sapite.
versículo 9: Qui plantavit aurem non audiet? aut qui finxit oculum non considerat?
versículo 10: Qui corripit gentes non arguet, qui docet hominem scientiam?
versículo 11: Dominus scit cogitationes hominum, quoniam vanæ sunt.
versículo 12: Beatus homo quem tu erudieris, Domine, et de lege tua docueris eum:
versículo 13: ut mitiges ei a diebus malis, donec fodiatur peccatori fovea.
versículo 14: Quia non repellet Dominus plebem suam, et hæreditatem suam non derelinquet,
versículo 15: quoadusque iustitia convertatur in iudicium: et qui iuxta illam, omnes qui recto sunt corde.
versículo 16: Quis consurget mihi adversus malignantes? aut quis stabit mecum adversus operantes iniquitatem?
versículo 17: Nisi quia Dominus adiuvit me, paulominus habitasset in inferno anima mea.
versículo 18: Si dicebam: Motus est pes meus: misericordia tua, Domine, adiuvabat me.
versículo 19: Secundum multitudinem dolorum meorum in corde meo, consolationes tuæ lætificaverunt animam meam.
versículo 20: Numquid adhæret tibi sedes iniquitatis, qui fingis laborem in præcepto?
versículo 21: Captabunt in animam iusti, et sanguinem innocentem condemnabunt.
versículo 22: Et factus est mihi Dominus in refugium, et Deus meus in adiutorium spei meæ.
versículo 23: Et reddet illis iniquitatem ipsorum, et in malitia eorum disperdet eos: disperdet illos Dominus Deus noster.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.