Psalterium · Vulgata Clementina
Salmo 103
Benedic, anima mea, Domino: Domine Deus meus
Numeração da Vulgata · Sl 103 (104 na numeração hebraica)
Coro I à esquerda · Coro II recuado
marcas de salmodia em revisão
versículo 1: Benedic, anima mea, Domino: Domine Deus meus, magnificatus es vehementer. Confessionem et decorem induisti,
versículo 2: amictus lumine sicut vestimento. Extendens cælum sicut pellem,
versículo 3: qui tegis aquis superiora eius: qui ponis nubem ascensum tuum; qui ambulas super pennas ventorum:
versículo 4: qui facis angelos tuos spiritus, et ministros tuos ignem urentem.
versículo 5: Qui fundasti terram super stabilitatem suam: non inclinabitur in sæculum sæculi.
versículo 6: Abyssus sicut vestimentum amictus eius; super montes stabunt aquæ.
versículo 7: Ab increpatione tua fugient; a voce tonitrui tui formidabunt.
versículo 8: Ascendunt montes, et descendunt campi, in locum quem fundasti eis.
versículo 9: Terminum posuisti quem non transgredientur, neque convertentur operire terram.
versículo 10: Qui emittis fontes in convallibus; inter medium montium pertransibunt aquæ.
versículo 11: Potabunt omnes bestiæ agri; expectabunt onagri in siti sua.
versículo 12: Super ea volucres cæli habitabunt; de medio petrarum dabunt voces.
versículo 13: Rigans montes de superioribus suis; de fructu operum tuorum satiabitur terra:
versículo 14: producens fœnum iumentis, et herbam servituti hominum, ut educas panem de terra,
versículo 15: et vinum lætificet cor hominis: ut exhilaret faciem in oleo, et panis cor hominis confirmet.
versículo 16: Saturabuntur ligna campi, et cedri Libani quas plantavit:
versículo 17: illic passeres nidificabunt: herodii domus dux est eorum.
versículo 18: Montes excelsi cervis; petra refugium herinaciis.
versículo 19: Fecit lunam in tempora; sol cognovit occasum suum.
versículo 20: Posuisti tenebras, et facta est nox; in ipsa pertransibunt omnes bestiæ silvæ:
versículo 21: catuli leonum rugientes ut rapiant, et quærant a Deo escam sibi.
versículo 22: Ortus est sol, et congregati sunt, et in cubilibus suis collocabuntur.
versículo 23: Exibit homo ad opus suum, et ad operationem suam usque ad vesperum.
versículo 24: Quam magnificata sunt opera tua, Domine! omnia in sapientia fecisti; impleta est terra possessione tua.
versículo 25: Hoc mare magnum et spatiosum manibus; illic reptilia quorum non est numerus: animalia pusilla cum magnis.
versículo 26: Illic naves pertransibunt; draco iste quem formasti ad illudendum ei.
versículo 27: Omnia a te expectant ut des illis escam in tempore.
versículo 28: Dante te illis, colligent; aperiente te manum tuam, omnia implebuntur bonitate.
versículo 29: Avertente autem te faciem, turbabuntur; auferes spiritum eorum, et deficient, et in pulverem suum revertentur.
versículo 30: Emittes spiritum tuum, et creabuntur, et renovabis faciem terræ.
versículo 31: Sit gloria Domini in sæculum; lætabitur Dominus in operibus suis.
versículo 32: Qui respicit terram, et facit eam tremere; qui tangit montes, et fumigant.
versículo 33: Cantabo Domino in vita mea; psallam Deo meo quamdiu sum.
versículo 34: Iucundum sit ei eloquium meum; ego vero delectabor in Domino.
versículo 35: Deficiant peccatores a terra, et iniqui, ita ut non sint. Benedic, anima mea, Domino.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.