Salmo 105

1versículo 1: Confitemini Domino, quoniam bonus, quoniam in sæculum misericordia eius.

2versículo 2: Quis loquetur potentias Domini; auditas faciet omnes laudes eius?

3versículo 3: Beati qui custodiunt iudicium, et faciunt iustitiam in omni tempore.

4versículo 4: Memento nostri, Domine, in beneplacito populi tui; visita nos in salutari tuo:

5versículo 5: ad videndum in bonitate electorum tuorum; ad lætandum in lætitia gentis tuæ: ut lauderis cum hæreditate tua.

6versículo 6: Peccavimus cum patribus nostris: iniuste egimus; iniquitatem fecimus.

7versículo 7: Patres nostri in Ægypto non intellexerunt mirabilia tua; non fuerunt memores multitudinis misericordiæ tuæ. Et irritaverunt ascendentes in mare, mare Rubrum;

8versículo 8: et salvavit eos propter nomen suum, ut notam faceret potentiam suam.

9versículo 9: Et increpuit mare Rubrum et exsiccatum est, et deduxit eos in abyssis sicut in deserto.

10versículo 10: Et salvavit eos de manu odientium, et redemit eos de manu inimici.

11versículo 11: Et operuit aqua tribulantes eos; unus ex eis non remansit.

12versículo 12: Et crediderunt verbis eius, et laudaverunt laudem eius.

13versículo 13: Cito fecerunt; obliti sunt operum eius: et non sustinuerunt consilium eius.

14versículo 14: Et concupierunt concupiscentiam in deserto, et tentaverunt Deum in inaquoso.

15versículo 15: Et dedit eis petitionem ipsorum, et misit saturitatem in animas eorum.

16versículo 16: Et irritaverunt Moysen in castris; Aaron, sanctum Domini.

17versículo 17: Aperta est terra, et deglutivit Dathan, et operuit super congregationem Abiron.

18versículo 18: Et exarsit ignis in synagoga eorum: flamma combussit peccatores.

19versículo 19: Et fecerunt vitulum in Horeb, et adoraverunt sculptile.

20versículo 20: Et mutaverunt gloriam suam in similitudinem vituli comedentis fœnum.

21versículo 21: Obliti sunt Deum qui salvavit eos; qui fecit magnalia in Ægypto,

22versículo 22: mirabilia in terra Cham, terribilia in mari Rubro.

23versículo 23: Et dixit ut disperderet eos, si non Moyses, electus eius, stetisset in confractione in conspectu eius, ut averteret iram eius, ne disperderet eos.

24versículo 24: Et pro nihilo habuerunt terram desiderabilem; non crediderunt verbo eius.

25versículo 25: Et murmuraverunt in tabernaculis suis; non exaudierunt vocem Domini.

26versículo 26: Et elevavit manum suam super eos ut prosterneret eos in deserto:

27versículo 27: et ut deiiceret semen eorum in nationibus, et dispergeret eos in regionibus.

28versículo 28: Et initiati sunt Beelphegor, et comederunt sacrificia mortuorum.

29versículo 29: Et irritaverunt eum in adinventionibus suis, et multiplicata est in eis ruina.

30versículo 30: Et stetit Phinees, et placavit, et cessavit quassatio.

31versículo 31: Et reputatum est ei in iustitiam, in generationem et generationem usque in sempiternum.

32versículo 32: Et irritaverunt eum ad aquas contradictionis, et vexatus est Moyses propter eos:

33versículo 33: quia exacerbaverunt spiritum eius, et distinxit in labiis suis.

34versículo 34: Non disperdiderunt gentes quas dixit Dominus illis:

35versículo 35: et commisti sunt inter gentes, et didicerunt opera eorum;

36versículo 36: et servierunt sculptilibus eorum, et factum est illis in scandalum.

37versículo 37: Et immolaverunt filios suos et filias suas dæmoniis.

38versículo 38: Et effuderunt sanguinem innocentem, sanguinem filiorum suorum et filiarum suarum, quas sacrificaverunt sculptilibus Chanaan. Et infecta est terra in sanguinibus,

39versículo 39: et contaminata est in operibus eorum: et fornicati sunt in adinventionibus suis.

40versículo 40: Et iratus est furore Dominus in populum suum, et abominatus est hæreditatem suam.

41versículo 41: Et tradidit eos in manus gentium; et dominati sunt eorum qui oderunt eos.

42versículo 42: Et tribulaverunt eos inimici eorum, et humiliati sunt sub manibus eorum;

43versículo 43: sæpe liberavit eos. Ipsi autem exacerbaverunt eum in consilio suo, et humiliati sunt in iniquitatibus suis.

44versículo 44: Et vidit cum tribularentur, et audivit orationem eorum.

45versículo 45: Et memor fuit testamenti sui, et pœnituit eum secundum multitudinem misericordiæ suæ:

46versículo 46: et dedit eos in misericordias, in conspectu omnium qui ceperant eos.

47versículo 47: Salvos nos fac, Domine Deus noster, et congrega nos de nationibus: ut confiteamur nomini sancto tuo, et gloriemur in laude tua.

48versículo 48: Benedictus Dominus Deus Israël, a sæculo et usque in sæculum; et dicet omnis populus: Fiat, fiat.

doxologia: Gloria Patri, et Filio, et Spiritui Sancto.

doxologia: Sicut erat in principio, et nunc, et semper, et in sæcula sæculorum. Amen.