Psalterium · Vulgata Clementina
Salmo 106
Confitemini Domino, quoniam bonus
Numeração da Vulgata · Sl 106 (107 na numeração hebraica)
Coro I à esquerda · Coro II recuado
marcas de salmodia em revisão
versículo 1: Confitemini Domino, quoniam bonus, quoniam in sæculum misericordia eius.
versículo 2: Dicant qui redempti sunt a Domino, quos redemit de manu inimici, et de regionibus congregavit eos,
versículo 3: a solis ortu, et occasu, ab aquilone, et mari.
versículo 4: Erraverunt in solitudine, in inaquoso; viam civitatis habitaculi non invenerunt.
versículo 5: Esurientes et sitientes, anima eorum in ipsis defecit.
versículo 6: Et clamaverunt ad Dominum cum tribularentur, et de necessitatibus eorum eripuit eos;
versículo 7: et deduxit eos in viam rectam, ut irent in civitatem habitationis.
versículo 8: Confiteantur Domino misericordiæ eius, et mirabilia eius filiis hominum.
versículo 9: Quia satiavit animam inanem, et animam esurientem satiavit bonis.
versículo 10: Sedentes in tenebris et umbra mortis; vinctos in mendicitate et ferro.
versículo 11: Quia exacerbaverunt eloquia Dei, et consilium Altissimi irritaverunt.
versículo 12: Et humiliatum est in laboribus cor eorum; infirmati sunt, nec fuit qui adiuvaret.
versículo 13: Et clamaverunt ad Dominum cum tribularentur; et de necessitatibus eorum liberavit eos.
versículo 14: Et eduxit eos de tenebris et umbra mortis, et vincula eorum dirupit.
versículo 15: Confiteantur Domino misericordiæ eius, et mirabilia eius filiis hominum.
versículo 16: Quia contrivit portas æreas, et vectes ferreos confregit.
versículo 17: Suscepit eos de via iniquitatis eorum; propter iniustitias enim suas humiliati sunt.
versículo 18: Omnem escam abominata est anima eorum, et appropinquaverunt usque ad portas mortis.
versículo 19: Et clamaverunt ad Dominum cum tribularentur, et de necessitatibus eorum liberavit eos.
versículo 20: Misit verbum suum, et sanavit eos, et eripuit eos de interitionibus eorum.
versículo 21: Confiteantur Domino misericordiæ eius, et mirabilia eius filiis hominum.
versículo 22: Et sacrificent sacrificium laudis, et annuntient opera eius in exsultatione.
versículo 23: Qui descendunt mare in navibus, facientes operationem in aquis multis:
versículo 24: ipsi viderunt opera Domini, et mirabilia eius in profundo.
versículo 25: Dixit, et stetit spiritus procellæ, et exaltati sunt fluctus eius.
versículo 26: Ascendunt usque ad cælos, et descendunt usque ad abyssos; anima eorum in malis tabescebat.
versículo 27: Turbati sunt, et moti sunt sicut ebrius, et omnis sapientia eorum devorata est.
versículo 28: Et clamaverunt ad Dominum cum tribularentur; et de necessitatibus eorum eduxit eos.
versículo 29: Et statuit procellam eius in auram, et siluerunt fluctus eius.
versículo 30: Et lætati sunt quia siluerunt; et deduxit eos in portum voluntatis eorum.
versículo 31: Confiteantur Domino misericordiæ eius, et mirabilia eius filiis hominum.
versículo 32: Et exaltent eum in ecclesia plebis, et in cathedra seniorum laudent eum.
versículo 33: Posuit flumina in desertum, et exitus aquarum in sitim;
versículo 34: terram fructiferam in salsuginem, a malitia inhabitantium in ea.
versículo 35: Posuit desertum in stagna aquarum, et terram sine aqua in exitus aquarum.
versículo 36: Et collocavit illic esurientes, et constituerunt civitatem habitationis:
versículo 37: et seminaverunt agros et plantaverunt vineas, et fecerunt fructum nativitatis.
versículo 38: Et benedixit eis, et multiplicati sunt nimis; et iumenta eorum non minoravit.
versículo 39: Et pauci facti sunt et vexati sunt, a tribulatione malorum et dolore.
versículo 40: Effusa est contemptio super principes: et errare fecit eos in invio, et non in via.
versículo 41: Et adiuvit pauperem de inopia, et posuit sicut oves familias.
versículo 42: Videbunt recti, et lætabuntur; et omnis iniquitas oppilabit os suum.
versículo 43: Quis sapiens, et custodiet hæc, et intelliget misericordias Domini?
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.