Psalterium · Vulgata Clementina
Salmo 107
Paratum cor meum, Deus
Numeração da Vulgata · Sl 107 (108 na numeração hebraica)
Coro I à esquerda · Coro II recuado
marcas de salmodia em revisão
versículo 2: Paratum cor meum, Deus, paratum cor meum; cantabo, et psallam in gloria mea.
versículo 3: Exsurge, gloria mea; exsurge, psalterium et cithara; exsurgam diluculo.
versículo 4: Confitebor tibi in populis, Domine, et psallam tibi in nationibus:
versículo 5: quia magna est super cælos misericordia tua, et usque ad nubes veritas tua.
versículo 6: Exaltare super cælos, Deus, et super omnem terram gloria tua:
versículo 7: ut liberentur dilecti tui. Salvum fac dextera tua, et exaudi me.
versículo 8: Deus locutus est in sancto suo: Exsultabo, et dividam Sichimam; et convallem tabernaculorum dimetiar.
versículo 9: Meus est Galaad, et meus est Manasses, et Ephraim susceptio capitis mei. Iuda rex meus;
versículo 10: Moab lebes spei meæ: in Idumæam extendam calceamentum meum; mihi alienigenæ amici facti sunt.
versículo 11: Quis deducet me in civitatem munitam? quis deducet me usque in Idumæam?
versículo 12: nonne tu, Deus, qui repulisti nos? et non exibis, Deus, in virtutibus nostris?
versículo 13: Da nobis auxilium de tribulatione, quia vana salus hominis.
versículo 14: In Deo faciemus virtutem; et ipse ad nihilum deducet inimicos nostros.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.