Psalterium · Vulgata Clementina
Salmo 137
Confitebor tibi, Domine, in toto corde meo, quoniam audisti
Numeração da Vulgata · Sl 137 (138 na numeração hebraica)
Coro I à esquerda · Coro II recuado
versículo 1: Confitebor tibi, Domine, in toto corde meo, * quoniam audisti verba oris mei.
versículo 1: In conspectu angelorum psallam tibi; * adorabo ad templum sanctum tuum, et confitebor nomini tuo:
versículo 2: super misericordia tua et veritate tua; * quoniam magnificasti super omne, nomen sanctum tuum.
versículo 3: In quacumque die invocavero te, exaudi me; * multiplicabis in anima mea virtutem.
versículo 4: Confiteantur tibi, Domine, omnes reges terræ, * quia audierunt omnia verba oris tui.
versículo 5: Et cantent in viis Domini, * quoniam magna est gloria Domini;
versículo 6: quoniam excelsus Dominus, et humilia respicit, * et alta a longe cognoscit.
versículo 7: Si ambulavero in medio tribulationis, vivificabis me; et super iram inimicorum meorum extendisti manum tuam, * et salvum me fecit dextera tua.
versículo 8: Dominus retribuet pro me. Domine, misericordia tua in sæculum; * opera manuum tuarum ne despicias.
doxologia: Gloria Patri, et Filio, * et Spiritui Sancto.
doxologia: Sicut erat in principio, et nunc, et semper, * et in sæcula sæculorum. Amen.