Psalterium · Vulgata Clementina
Salmo 139
Eripe me, Domine, ab homine malo
Numeração da Vulgata · Sl 139 (140 na numeração hebraica)
Coro I à esquerda · Coro II recuado
versículo 2: Eripe me, Domine, ab homine malo; * a viro iniquo eripe me.
versículo 3: Qui cogitaverunt iniquitates in corde, * tota die constituebant prælia.
versículo 4: Acuerunt linguas suas sicut serpentis; * venenum aspidum sub labiis eorum.
versículo 5: Custodi me, Domine, de manu peccatoris, * et ab hominibus iniquis eripe me.
versículo 5: Qui cogitaverunt supplantare gressus meos: * absconderunt superbi laqueum mihi.
versículo 6: Et funes extenderunt in laqueum; * iuxta iter, scandalum posuerunt mihi.
versículo 7: Dixi Domino: Deus meus es tu; * exaudi, Domine, vocem deprecationis meæ.
versículo 8: Domine, Domine, virtus salutis meæ, * obumbrasti super caput meum in die belli.
versículo 9: Ne tradas me, Domine, a desiderio meo peccatori: cogitaverunt contra me; * ne derelinquas me, ne forte exaltentur.
versículo 10: Caput circuitus eorum: * labor labiorum ipsorum operiet eos.
versículo 11: Cadent super eos carbones; in ignem deiicies eos: * in miseriis non subsistent.
versículo 12: Vir linguosus non dirigetur in terra; * virum iniustum mala capient in interitu.
versículo 13: Cognovi quia faciet Dominus iudicium inopis, * et vindictam pauperum.
versículo 14: Verumtamen iusti confitebuntur nomini tuo, * et habitabunt recti cum vultu tuo.
doxologia: Gloria Patri, et Filio, * et Spiritui Sancto.
doxologia: Sicut erat in principio, et nunc, et semper, * et in sæcula sæculorum. Amen.