Psalterium · Vulgata Clementina
Salmo 143
Benedictus Dominus Deus meus
Numeração da Vulgata · Sl 143 (144 na numeração hebraica)
Coro I à esquerda · Coro II recuado
marcas de salmodia em revisão
versículo 1: Benedictus Dominus Deus meus, qui docet manus meas ad prælium, et digitos meos ad bellum.
versículo 2: Misericordia mea et refugium meum; susceptor meus et liberator meus; protector meus, et in ipso speravi, qui subdit populum meum sub me.
versículo 3: Domine, quid est homo, quia innotuisti ei? aut filius hominis, quia reputas eum?
versículo 4: Homo vanitati similis factus est; dies eius sicut umbra prætereunt.
versículo 5: Domine, inclina cælos tuos, et descende; tange montes, et fumigabunt.
versículo 6: Fulgura coruscationem, et dissipabis eos; emitte sagittas tuas, et conturbabis eos.
versículo 7: Emitte manum tuam de alto: eripe me, et libera me de aquis multis, de manu filiorum alienorum:
versículo 8: quorum os locutum est vanitatem, et dextera eorum dextera iniquitatis.
versículo 9: Deus, canticum novum cantabo tibi; in psalterio decachordo psallam tibi.
versículo 10: Qui das salutem regibus, qui redemisti David servum tuum de gladio maligno,
versículo 11: eripe me, et erue me de manu filiorum alienorum, quorum os locutum est vanitatem, et dextera eorum dextera iniquitatis.
versículo 12: Quorum filii sicut novellæ plantationes in iuventute sua; filiæ eorum compositæ, circumornatæ ut similitudo templi.
versículo 13: Promptuaria eorum plena, eructantia ex hoc in illud; oves eorum fœtosæ, abundantes in egressibus suis;
versículo 14: boves eorum crassæ. Non est ruina maceriæ, neque transitus, neque clamor in plateis eorum.
versículo 15: Beatum dixerunt populum cui hæc sunt; beatus populus cuius Dominus Deus eius.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.