Psalterium · Vulgata Clementina
Salmo 144
Exaltabo te, Deus meus rex
Numeração da Vulgata · Sl 144 (145 na numeração hebraica)
Coro I à esquerda · Coro II recuado
marcas de salmodia em revisão
versículo 1: Exaltabo te, Deus meus rex, et benedicam nomini tuo in sæculum, et in sæculum sæculi.
versículo 2: Per singulos dies benedicam tibi, et laudabo nomen tuum in sæculum, et in sæculum sæculi.
versículo 3: Magnus Dominus, et laudabilis nimis, et magnitudinis eius non est finis.
versículo 4: Generatio et generatio laudabit opera tua, et potentiam tuam pronuntiabunt.
versículo 5: Magnificentiam gloriæ sanctitatis tuæ loquentur, et mirabilia tua narrabunt.
versículo 6: Et virtutem terribilium tuorum dicent, et magnitudinem tuam narrabunt.
versículo 7: Memoriam abundantiæ suavitatis tuæ eructabunt, et iustitia tua exsultabunt.
versículo 8: Miserator et misericors Dominus: patiens, et multum misericors.
versículo 9: Suavis Dominus universis, et miserationes eius super omnia opera eius.
versículo 10: Confiteantur tibi, Domine, omnia opera tua, et sancti tui benedicant tibi.
versículo 11: Gloriam regni tui dicent, et potentiam tuam loquentur:
versículo 12: ut notam faciant filiis hominum potentiam tuam, et gloriam magnificentiæ regni tui.
versículo 13: Regnum tuum regnum omnium sæculorum; et dominatio tua in omni generatione et generationem. Fidelis Dominus in omnibus verbis suis, et sanctus in omnibus operibus suis.
versículo 14: Allevat Dominus omnes qui corruunt, et erigit omnes elisos.
versículo 15: Oculi omnium in te sperant, Domine, et tu das escam illorum in tempore opportuno.
versículo 16: Aperis tu manum tuam, et imples omne animal benedictione.
versículo 17: Iustus Dominus in omnibus viis suis, et sanctus in omnibus operibus suis.
versículo 18: Prope est Dominus omnibus invocantibus eum, omnibus invocantibus eum in veritate.
versículo 19: Voluntatem timentium se faciet, et deprecationem eorum exaudiet, et salvos faciet eos.
versículo 20: Custodit Dominus omnes diligentes se, et omnes peccatores disperdet.
versículo 21: Laudationem Domini loquetur os meum; et benedicat omnis caro nomini sancto eius in sæculum, et in sæculum sæculi.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.