Psalterium · Vulgata Clementina
Salmo 18
Cæli enarrant gloriam Dei
Numeração da Vulgata · Sl 18 (19 na numeração hebraica)
Coro I à esquerda · Coro II recuado
marcas de salmodia em revisão
versículo 2: Cæli enarrant gloriam Dei, et opera manuum eius annuntiat firmamentum.
versículo 3: Dies diei eructat verbum, et nox nocti indicat scientiam.
versículo 4: Non sunt loquelæ, neque sermones, quorum non audiantur voces eorum.
versículo 5: In omnem terram exivit sonus eorum, et in fines orbis terræ verba eorum.
versículo 6: In sole posuit tabernaculum suum; et ipse tamquam sponsus procedens de thalamo suo. Exsultavit ut gigas ad currendam viam;
versículo 7: a summo cælo egressio eius. Et occursus eius usque ad summum eius; nec est qui se abscondat a calore eius.
versículo 8: Lex Domini immaculata, convertens animas; testimonium Domini fidele, sapientiam præstans parvulis.
versículo 9: Iustitiæ Domini rectæ, lætificantes corda; præceptum Domini lucidum, illuminans oculos.
versículo 10: Timor Domini sanctus, permanens in sæculum sæculi; iudicia Domini vera, iustificata in semetipsa,
versículo 11: desiderabilia super aurum et lapidem pretiosum multum, et dulciora super mel et favum.
versículo 12: Etenim servus tuus custodit ea; in custodiendis illis retributio multa.
versículo 13: Delicta quis intelligit? ab occultis meis munda me;
versículo 14: et ab alienis parce servo tuo. Si mei non fuerint dominati, tunc immaculatus ero, et emundabor a delicto maximo.
versículo 15: Et erunt ut complaceant eloquia oris mei, et meditatio cordis mei in conspectu tuo semper. Domine, adiutor meus, et redemptor meus.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.