Psalterium · Vulgata Clementina
Salmo 25
Iudica me, Domine, quoniam ego in innocentia
Numeração da Vulgata · Sl 25 (26 na numeração hebraica)
Coro I à esquerda · Coro II recuado
marcas de salmodia em revisão
versículo 1: Iudica me, Domine, quoniam ego in innocentia mea ingressus sum, et in Domino sperans non infirmabor.
versículo 2: Proba me, Domine, et tenta me; ure renes meos et cor meum.
versículo 3: Quoniam misericordia tua ante oculos meos est, et complacui in veritate tua.
versículo 4: Non sedi cum concilio vanitatis, et cum iniqua gerentibus non introibo.
versículo 5: Odivi ecclesiam malignantium, et cum impiis non sedebo.
versículo 6: Lavabo inter innocentes manus meas, et circumdabo altare tuum, Domine:
versículo 7: ut audiam vocem laudis, et enarrem universa mirabilia tua.
versículo 8: Domine, dilexi decorem domus tuæ, et locum habitationis gloriæ tuæ.
versículo 9: Ne perdas cum impiis, Deus, animam meam, et cum viris sanguinum vitam meam:
versículo 10: in quorum manibus iniquitates sunt; dextera eorum repleta est muneribus.
versículo 11: Ego autem in innocentia mea ingressus sum; redime me, et miserere mei.
versículo 12: Pes meus stetit in directo; in ecclesiis benedicam te, Domine.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.