Psalterium · Vulgata Clementina
Salmo 32
Exsultate, iusti, in Domino
Numeração da Vulgata · Sl 32 (33 na numeração hebraica)
Coro I à esquerda · Coro II recuado
marcas de salmodia em revisão
versículo 1: Exsultate, iusti, in Domino; rectos decet collaudatio.
versículo 2: Confitemini Domino in cithara; in psalterio decem chordarum psallite illi.
versículo 3: Cantate ei canticum novum; bene psallite ei in vociferatione.
versículo 4: Quia rectum est verbum Domini, et omnia opera eius in fide.
versículo 5: Diligit misericordiam et iudicium; misericordia Domini plena est terra.
versículo 6: Verbo Domini cæli firmati sunt, et spiritu oris eius omnis virtus eorum.
versículo 7: Congregans sicut in utre aquas maris; ponens in thesauris abyssos.
versículo 8: Timeat Dominum omnis terra; ab eo autem commoveantur omnes inhabitantes orbem.
versículo 9: Quoniam ipse dixit, et facta sunt; ipse mandavit et creata sunt.
versículo 10: Dominus dissipat consilia gentium; reprobat autem cogitationes populorum, et reprobat consilia principum.
versículo 11: Consilium autem Domini in æternum manet; cogitationes cordis eius in generatione et generationem.
versículo 12: Beata gens cuius est Dominus Deus eius; populus quem elegit in hæreditatem sibi.
versículo 13: De cælo respexit Dominus; vidit omnes filios hominum.
versículo 14: De præparato habitaculo suo respexit super omnes qui habitant terram:
versículo 15: qui finxit sigillatim corda eorum; qui intelligit omnia opera eorum.
versículo 16: Non salvatur rex per multam virtutem, et gigas non salvabitur in multitudine virtutis suæ.
versículo 17: Fallax equus ad salutem; in abundantia autem virtutis suæ non salvabitur.
versículo 18: Ecce oculi Domini super metuentes eum, et in eis qui sperant super misericordia eius:
versículo 19: ut eruat a morte animas eorum, et alat eos in fame.
versículo 20: Anima nostra sustinet Dominum, quoniam adiutor et protector noster est.
versículo 21: Quia in eo lætabitur cor nostrum, et in nomine sancto eius speravimus.
versículo 22: Fiat misericordia tua, Domine, super nos, quemadmodum speravimus in te.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.