Psalterium · Vulgata Clementina
Salmo 33
Benedicam Dominum in omni tempore
Numeração da Vulgata · Sl 33 (34 na numeração hebraica)
Coro I à esquerda · Coro II recuado
marcas de salmodia em revisão
versículo 2: Benedicam Dominum in omni tempore; semper laus eius in ore meo.
versículo 3: In Domino laudabitur anima mea: audiant mansueti, et lætentur.
versículo 4: Magnificate Dominum mecum, et exaltemus nomen eius in idipsum.
versículo 5: Exquisivi Dominum, et exaudivit me; et ex omnibus tribulationibus meis eripuit me.
versículo 6: Accedite ad eum, et illuminamini; et facies vestræ non confundentur.
versículo 7: Iste pauper clamavit, et Dominus exaudivit eum, et de omnibus tribulationibus eius salvavit eum.
versículo 8: Immittet angelus Domini in circuitu timentium eum, et eripiet eos.
versículo 9: Gustate et videte quoniam suavis est Dominus; beatus vir qui sperat in eo.
versículo 10: Timete Dominum, omnes sancti eius, quoniam non est inopia timentibus eum.
versículo 11: Divites eguerunt, et esurierunt; inquirentes autem Dominum non minuentur omni bono.
versículo 12: Venite, filii; audite me: timorem Domini docebo vos.
versículo 13: Quis est homo qui vult vitam; diligit dies videre bonos?
versículo 14: Prohibe linguam tuam a malo, et labia tua ne loquantur dolum.
versículo 15: Diverte a malo, et fac bonum; inquire pacem, et persequere eam.
versículo 16: Oculi Domini super iustos, et aures eius in preces eorum.
versículo 17: Vultus autem Domini super facientes mala, ut perdat de terra memoriam eorum.
versículo 18: Clamaverunt iusti, et Dominus exaudivit eos; et ex omnibus tribulationibus eorum liberavit eos.
versículo 19: Iuxta est Dominus iis qui tribulato sunt corde, et humiles spiritu salvabit.
versículo 20: Multæ tribulationes iustorum; et de omnibus his liberabit eos Dominus.
versículo 21: Custodit Dominus omnia ossa eorum: unum ex his non conteretur.
versículo 22: Mors peccatorum pessima; et qui oderunt iustum delinquent.
versículo 23: Redimet Dominus animas servorum suorum, et non delinquent omnes qui sperant in eo.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.