Psalterium · Vulgata Clementina
Salmo 35
Dixit iniustus ut delinquat in semetipso
Numeração da Vulgata · Sl 35 (36 na numeração hebraica)
Coro I à esquerda · Coro II recuado
marcas de salmodia em revisão
versículo 2: Dixit iniustus ut delinquat in semetipso: non est timor Dei ante oculos eius.
versículo 3: Quoniam dolose egit in conspectu eius, ut inveniatur iniquitas eius ad odium.
versículo 4: Verba oris eius iniquitas, et dolus; noluit intelligere ut bene ageret.
versículo 5: Iniquitatem meditatus est in cubili suo; astitit omni viæ non bonæ: malitiam autem non odivit.
versículo 6: Domine, in cælo misericordia tua, et veritas tua usque ad nubes.
versículo 7: Iustitia tua sicut montes Dei; iudicia tua abyssus multa. Homines et iumenta salvabis, Domine,
versículo 8: quemadmodum multiplicasti misericordiam tuam, Deus. Filii autem hominum in tegmine alarum tuarum sperabunt.
versículo 9: Inebriabuntur ab ubertate domus tuæ, et torrente voluptatis tuæ potabis eos:
versículo 10: quoniam apud te est fons vitæ, et in lumine tuo videbimus lumen.
versículo 11: Prætende misericordiam tuam scientibus te, et iustitiam tuam his qui recto sunt corde.
versículo 12: Non veniat mihi pes superbiæ, et manus peccatoris non moveat me.
versículo 13: Ibi ceciderunt qui operantur iniquitatem; expulsi sunt, nec potuerunt stare.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.