Psalterium · Vulgata Clementina
Salmo 36
Noli æmulari in malignantibus
Numeração da Vulgata · Sl 36 (37 na numeração hebraica)
Coro I à esquerda · Coro II recuado
marcas de salmodia em revisão
versículo 1: Noli æmulari in malignantibus, neque zelaveris facientes iniquitatem:
versículo 2: quoniam tamquam fœnum velociter arescent, et quemadmodum olera herbarum cito decident.
versículo 3: Spera in Domino, et fac bonitatem; et inhabita terram, et pasceris in divitiis eius.
versículo 4: Delectare in Domino, et dabit tibi petitiones cordis tui.
versículo 5: Revela Domino viam tuam, et spera in eo, et ipse faciet.
versículo 6: Et educet quasi lumen iustitiam tuam, et iudicium tuum tamquam meridiem.
versículo 7: Subditus esto Domino, et ora eum. Noli æmulari in eo qui prosperatur in via sua; in homine faciente iniustitias.
versículo 8: Desine ab ira, et derelinque furorem; noli æmulari ut maligneris.
versículo 9: Quoniam qui malignantur exterminabuntur; sustinentes autem Dominum, ipsi hæreditabunt terram.
versículo 10: Et adhuc pusillum, et non erit peccator; et quæres locum eius, et non invenies.
versículo 11: Mansueti autem hæreditabunt terram, et delectabuntur in multitudine pacis.
versículo 12: Observabit peccator iustum, et stridebit super eum dentibus suis.
versículo 13: Dominus autem irridebit eum, quoniam prospicit quod veniet dies eius.
versículo 14: Gladium evaginaverunt peccatores; intenderunt arcum suum: ut deiiciant pauperem et inopem, ut trucident rectos corde.
versículo 15: Gladius eorum intret in corda ipsorum, et arcus eorum confringatur.
versículo 16: Melius est modicum iusto, super divitias peccatorum multas:
versículo 17: quoniam brachia peccatorum conterentur: confirmat autem iustos Dominus.
versículo 18: Novit Dominus dies immaculatorum, et hæreditas eorum in æternum erit.
versículo 19: Non confundentur in tempore malo, et in diebus famis saturabuntur:
versículo 20: quia peccatores peribunt. Inimici vero Domini mox ut honorificati fuerint et exaltati, deficientes quemadmodum fumus deficient.
versículo 21: Mutuabitur peccator, et non solvet; iustus autem miseretur et tribuet:
versículo 22: quia benedicentes ei hæreditabunt terram; maledicentes autem ei disperibunt.
versículo 23: Apud Dominum gressus hominis dirigentur, et viam eius volet.
versículo 24: Cum ceciderit, non collidetur, quia Dominus supponit manum suam.
versículo 25: Iunior fui, etenim senui; et non vidi iustum derelictum, nec semen eius quærens panem.
versículo 26: Tota die miseretur et commodat; et semen illius in benedictione erit.
versículo 27: Declina a malo, et fac bonum, et inhabita in sæculum sæculi:
versículo 28: quia Dominus amat iudicium, et non derelinquet sanctos suos: in æternum conservabuntur. Iniusti punientur, et semen impiorum peribit.
versículo 29: Iusti autem hæreditabunt terram, et inhabitabunt in sæculum sæculi super eam.
versículo 30: Os iusti meditabitur sapientiam, et lingua eius loquetur iudicium.
versículo 31: Lex Dei eius in corde ipsius, et non supplantabuntur gressus eius.
versículo 32: Considerat peccator iustum, et quærit mortificare eum.
versículo 33: Dominus autem non derelinquet eum in manibus eius, nec damnabit eum cum iudicabitur illi.
versículo 34: Exspecta Dominum, et custodi viam eius, et exaltabit te ut hæreditate capias terram: cum perierint peccatores, videbis.
versículo 35: Vidi impium superexaltatum, et elevatum sicut cedros Libani:
versículo 36: et transivi, et ecce non erat; et quæsivi eum, et non est inventus locus eius.
versículo 37: Custodi innocentiam, et vide æquitatem, quoniam sunt reliquiæ homini pacifico.
versículo 38: Iniusti autem disperibunt simul; reliquiæ impiorum interibunt.
versículo 39: Salus autem iustorum a Domino; et protector eorum in tempore tribulationis.
versículo 40: Et adiuvabit eos Dominus, et liberabit eos; et eruet eos a peccatoribus, et salvabit eos, quia speraverunt in eo.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.