Psalterium · Vulgata Clementina
Salmo 37
Domine, ne in furore tuo arguas me
Numeração da Vulgata · Sl 37 (38 na numeração hebraica)
Coro I à esquerda · Coro II recuado
marcas de salmodia em revisão
versículo 2: Domine, ne in furore tuo arguas me, neque in ira tua corripias me:
versículo 3: quoniam sagittæ tuæ infixæ sunt mihi, et confirmasti super me manum tuam.
versículo 4: Non est sanitas in carne mea, a facie iræ tuæ; non est pax ossibus meis, a facie peccatorum meorum:
versículo 5: quoniam iniquitates meæ supergressæ sunt caput meum, et sicut onus grave gravatæ sunt super me.
versículo 6: Putruerunt et corruptæ sunt cicatrices meæ, a facie insipientiæ meæ.
versículo 7: Miser factus sum et curvatus sum usque in finem; tota die contristatus ingrediebar.
versículo 8: Quoniam lumbi mei impleti sunt illusionibus, et non est sanitas in carne mea.
versículo 9: Afflictus sum, et humiliatus sum nimis; rugiebam a gemitu cordis mei.
versículo 10: Domine, ante te omne desiderium meum, et gemitus meus a te non est absconditus.
versículo 11: Cor meum conturbatum est; dereliquit me virtus mea, et lumen oculorum meorum, et ipsum non est mecum.
versículo 12: Amici mei et proximi mei adversum me appropinquaverunt, et steterunt; et qui iuxta me erant, de longe steterunt: et vim faciebant qui quærebant animam meam.
versículo 13: Et qui inquirebant mala mihi, locuti sunt vanitates, et dolos tota die meditabantur.
versículo 14: Ego autem, tamquam surdus, non audiebam; et sicut mutus non aperiens os suum.
versículo 15: Et factus sum sicut homo non audiens, et non habens in ore suo redargutiones.
versículo 16: Quoniam in te, Domine, speravi; tu exaudies me, Domine Deus meus.
versículo 17: Quia dixi: Nequando supergaudeant mihi inimici mei; et dum commoventur pedes mei, super me magna locuti sunt.
versículo 18: Quoniam ego in flagella paratus sum, et dolor meus in conspectu meo semper.
versículo 19: Quoniam iniquitatem meam annuntiabo, et cogitabo pro peccato meo.
versículo 20: Inimici autem mei vivunt, et confirmati sunt super me: et multiplicati sunt qui oderunt me inique.
versículo 21: Qui retribuunt mala pro bonis detrahebant mihi, quoniam sequebar bonitatem.
versículo 22: Ne derelinquas me, Domine Deus meus; ne discesseris a me.
versículo 23: Intende in adiutorium meum, Domine Deus salutis meæ.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.