Psalterium · Vulgata Clementina
Salmo 38
Dixi: Custodiam vias meas
Numeração da Vulgata · Sl 38 (39 na numeração hebraica)
Coro I à esquerda · Coro II recuado
marcas de salmodia em revisão
versículo 2: Dixi: Custodiam vias meas: ut non delinquam in lingua mea. Posui ori meo custodiam, cum consisteret peccator adversum me.
versículo 3: Obmutui, et humiliatus sum, et silui a bonis; et dolor meus renovatus est.
versículo 4: Concaluit cor meum intra me; et in meditatione mea exardescet ignis.
versículo 5: Locutus sum in lingua mea: Notum fac mihi, Domine, finem meum, et numerum dierum meorum quis est, ut sciam quid desit mihi.
versículo 6: Ecce mensurabiles posuisti dies meos, et substantia mea tamquam nihilum ante te. Verumtamen universa vanitas, omnis homo vivens.
versículo 7: Verumtamen in imagine pertransit homo; sed et frustra conturbatur: thesaurizat, et ignorat cui congregabit ea.
versículo 8: Et nunc quæ est exspectatio mea: nonne Dominus? et substantia mea apud te est.
versículo 9: Ab omnibus iniquitatibus meis erue me: opprobrium insipienti dedisti me.
versículo 10: Obmutui, et non aperui os meum, quoniam tu fecisti;
versículo 11: amove a me plagas tuas.
versículo 12: A fortitudine manus tuæ ego defeci in increpationibus: propter iniquitatem corripuisti hominem. Et tabescere fecisti sicut araneam animam eius: verumtamen vane conturbatur omnis homo.
versículo 13: Exaudi orationem meam, Domine, et deprecationem meam; auribus percipe lacrimas meas. Ne sileas, quoniam advena ego sum apud te, et peregrinus sicut omnes patres mei.
versículo 14: Remitte mihi, ut refrigerer priusquam abeam et amplius non ero.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.