Psalterium · Vulgata Clementina
Salmo 4
Cum invocarem exaudivit me
Numeração da Vulgata · Sl 4 (a mesma na numeração hebraica)
Coro I à esquerda · Coro II recuado
marcas de salmodia em revisão
versículo 2: Cum invocarem exaudivit me Deus iustitiæ meæ, in tribulatione dilatasti mihi. Miserere mei, et exaudi orationem meam.
versículo 3: Filii hominum, usquequo gravi corde? ut quid diligitis vanitatem, et quæritis mendacium?
versículo 4: Et scitote quoniam mirificavit Dominus sanctum suum; Dominus exaudiet me cum clamavero ad eum.
versículo 5: Irascimini, et nolite peccare; quæ dicitis in cordibus vestris, in cubilibus vestris compungimini.
versículo 6: Sacrificate sacrificium iustitiæ, et sperate in Domino. Multi dicunt: Quis ostendit nobis bona?
versículo 7: Signatum est super nos lumen vultus tui, Domine: dedisti lætitiam in corde meo.
versículo 8: A fructu frumenti, vini, et olei sui, multiplicati sunt.
versículo 9: In pace in idipsum dormiam, et requiescam;
versículo 10: quoniam tu, Domine, singulariter in spe constituisti me.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.