Psalterium · Vulgata Clementina
Salmo 5
Verba mea auribus percipe
Numeração da Vulgata · Sl 5 (a mesma na numeração hebraica)
Coro I à esquerda · Coro II recuado
marcas de salmodia em revisão
versículo 2: Verba mea auribus percipe, Domine; intellige clamorem meum.
versículo 3: Intende voci orationis meæ, rex meus et Deus meus.
versículo 4: Quoniam ad te orabo, Domine: mane exaudies vocem meam.
versículo 5: Mane astabo tibi, et videbo quoniam non Deus volens iniquitatem tu es.
versículo 6: Neque habitabit iuxta te malignus, neque permanebunt iniusti ante oculos tuos.
versículo 7: Odisti omnes qui operantur iniquitatem; perdes omnes qui loquuntur mendacium. Virum sanguinum et dolosum abominabitur Dominus.
versículo 8: Ego autem in multitudine misericordiæ tuæ introibo in domum tuam; adorabo ad templum sanctum tuum in timore tuo.
versículo 9: Domine, deduc me in iustitia tua: propter inimicos meos dirige in conspectu tuo viam meam.
versículo 10: Quoniam non est in ore eorum veritas; cor eorum vanum est.
versículo 11: Sepulchrum patens est guttur eorum; linguis suis dolose agebant: iudica illos, Deus. Decidant a cogitationibus suis; secundum multitudinem impietatum eorum expelle eos, quoniam irritaverunt te, Domine.
versículo 12: Et lætentur omnes qui sperant in te; in æternum exsultabunt, et habitabis in eis. Et gloriabuntur in te omnes qui diligunt nomen tuum,
versículo 13: quoniam tu benedices iusto. Domine, ut scuto bonæ voluntatis tuæ coronasti nos.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.