Psalterium · Vulgata Clementina
Salmo 48
Audite hæc, omnes gentes
Numeração da Vulgata · Sl 48 (49 na numeração hebraica)
Coro I à esquerda · Coro II recuado
marcas de salmodia em revisão
versículo 2: Audite hæc, omnes gentes; auribus percipite, omnes qui habitatis orbem:
versículo 3: quique terrigenæ et filii hominum, simul in unum dives et pauper.
versículo 4: Os meum loquetur sapientiam, et meditatio cordis mei prudentiam.
versículo 5: Inclinabo in parabolam aurem meam; aperiam in psalterio propositionem meam.
versículo 6: Cur timebo in die mala? iniquitas calcanei mei circumdabit me.
versículo 7: Qui confidunt in virtute sua, et in multitudine divitiarum suarum, gloriantur.
versículo 8: Frater non redimit, redimet homo: non dabit Deo placationem suam,
versículo 9: et pretium redemptionis animæ suæ. Et laborabit in æternum;
versículo 10: et vivet adhuc in finem.
versículo 11: Non videbit interitum, cum viderit sapientes morientes: simul insipiens et stultus peribunt. Et relinquent alienis divitias suas,
versículo 12: et sepulchra eorum domus illorum in æternum; tabernacula eorum in progenie et progenie: vocaverunt nomina sua in terris suis.
versículo 13: Et homo, cum in honore esset, non intellexit. Comparatus est iumentis insipientibus, et similis factus est illis.
versículo 14: Hæc via illorum scandalum ipsis; et postea in ore suo complacebunt.
versículo 15: Sicut oves in inferno positi sunt: mors depascet eos. Et dominabuntur eorum iusti in matutino; et auxilium eorum veterascet in inferno a gloria eorum.
versículo 16: Verumtamen Deus redimet animam meam de manu inferi, cum acceperit me.
versículo 17: Ne timueris cum dives factus fuerit homo, et cum multiplicata fuerit gloria domus eius:
versículo 18: quoniam, cum interierit, non sumet omnia, neque descendet cum eo gloria eius.
versículo 19: Quia anima eius in vita ipsius benedicetur; confitebitur tibi cum benefeceris ei.
versículo 20: Introibit usque in progenies patrum suorum; et usque in æternum non videbit lumen.
versículo 21: Homo, cum in honore esset, non intellexit. Comparatus est iumentis insipientibus, et similis factus est illis.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.