Psalterium · Vulgata Clementina
Salmo 49
Deus deorum Dominus locutus est
Numeração da Vulgata · Sl 49 (50 na numeração hebraica)
Coro I à esquerda · Coro II recuado
marcas de salmodia em revisão
versículo 1: Deus deorum Dominus locutus est, et vocavit terram a solis ortu usque ad occasum.
versículo 2: Ex Sion species decoris eius:
versículo 3: Deus manifeste veniet; Deus noster, et non silebit. Ignis in conspectu eius exardescet; et in circuitu eius tempestas valida.
versículo 4: Advocabit cælum desursum, et terram, discernere populum suum.
versículo 5: Congregate illi sanctos eius, qui ordinant testamentum eius super sacrificia.
versículo 6: Et annuntiabunt cæli iustitiam eius, quoniam Deus iudex est.
versículo 7: Audi, populus meus, et loquar; Israël, et testificabor tibi: Deus, Deus tuus ego sum.
versículo 8: Non in sacrificiis tuis arguam te; holocausta autem tua in conspectu meo sunt semper.
versículo 9: Non accipiam de domo tua vitulos, neque de gregibus tuis hircos:
versículo 10: quoniam meæ sunt omnes feræ silvarum, iumenta in montibus, et boves.
versículo 11: Cognovi omnia volatilia cæli, et pulchritudo agri mecum est.
versículo 12: Si esuriero, non dicam tibi: meus est enim orbis terræ et plenitudo eius.
versículo 13: Numquid manducabo carnes taurorum? aut sanguinem hircorum potabo?
versículo 14: Immola Deo sacrificium laudis, et redde Altissimo vota tua.
versículo 15: Et invoca me in die tribulationis: eruam te, et honorificabis me.
versículo 16: Peccatori autem dixit Deus: Quare tu enarras iustitias meas? et assumis testamentum meum per os tuum?
versículo 17: Tu vero odisti disciplinam, et proiecisti sermones meos retrorsum.
versículo 18: Si videbas furem, currebas cum eo; et cum adulteris portionem tuam ponebas.
versículo 19: Os tuum abundavit malitia, et lingua tua concinnabat dolos.
versículo 20: Sedens adversus fratrem tuum loquebaris, et adversus filium matris tuæ ponebas scandalum.
versículo 21: Hæc fecisti, et tacui. Existimasti inique quod ero tui similis: arguam te, et statuam contra faciem tuam.
versículo 22: Intelligite hæc, qui obliviscimini Deum, nequando rapiat, et non sit qui eripiat.
versículo 23: Sacrificium laudis honorificabit me, et illic iter quo ostendam illi salutare Dei.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.