Psalterium · Vulgata Clementina
Salmo 50
Miserere mei, Deus, secundum magnam misericordiam tuam
Numeração da Vulgata · Sl 50 (51 na numeração hebraica)
Coro I à esquerda · Coro II recuado
marcas de salmodia em revisão
versículo 3: Miserere mei, Deus, secundum magnam misericordiam tuam; et secundum multitudinem miserationum tuarum, dele iniquitatem meam.
versículo 4: Amplius lava me ab iniquitate mea, et a peccato meo munda me.
versículo 5: Quoniam iniquitatem meam ego cognosco, et peccatum meum contra me est semper.
versículo 6: Tibi soli peccavi, et malum coram te feci; ut iustificeris in sermonibus tuis, et vincas cum iudicaris.
versículo 7: Ecce enim in iniquitatibus conceptus sum, et in peccatis concepit me mater mea.
versículo 8: Ecce enim veritatem dilexisti; incerta et occulta sapientiæ tuæ manifestasti mihi.
versículo 9: Asperges me hyssopo, et mundabor; lavabis me, et super nivem dealbabor.
versículo 10: Auditui meo dabis gaudium et lætitiam, et exsultabunt ossa humiliata.
versículo 11: Averte faciem tuam a peccatis meis, et omnes iniquitates meas dele.
versículo 12: Cor mundum crea in me, Deus, et spiritum rectum innova in visceribus meis.
versículo 13: Ne proiicias me a facie tua, et spiritum sanctum tuum ne auferas a me.
versículo 14: Redde mihi lætitiam salutaris tui, et spiritu principali confirma me.
versículo 15: Docebo iniquos vias tuas, et impii ad te convertentur.
versículo 16: Libera me de sanguinibus, Deus, Deus salutis meæ, et exsultabit lingua mea iustitiam tuam.
versículo 17: Domine, labia mea aperies, et os meum annuntiabit laudem tuam.
versículo 18: Quoniam si voluisses sacrificium, dedissem utique; holocaustis non delectaberis.
versículo 19: Sacrificium Deo spiritus contribulatus; cor contritum et humiliatum, Deus, non despicies.
versículo 20: Benigne fac, Domine, in bona voluntate tua Sion, ut ædificentur muri Ierusalem.
versículo 21: Tunc acceptabis sacrificium iustitiæ, oblationes et holocausta; tunc imponent super altare tuum vitulos.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.