Psalterium · Vulgata Clementina
Salmo 6
Domine, ne in furore tuo arguas me
Numeração da Vulgata · Sl 6 (a mesma na numeração hebraica)
Coro I à esquerda · Coro II recuado
versículo 2: Domine, ne in furore tuo arguas me, * neque in ira tua corripias me.
versículo 3: Miserere mei, Domine, quoniam infirmus sum; * sana me, Domine, quoniam conturbata sunt ossa mea.
versículo 4: Et anima mea turbata est valde; * sed tu, Domine, usquequo?
versículo 5: Convertere, Domine, et eripe animam meam; * salvum me fac propter misericordiam tuam.
versículo 6: Quoniam non est in morte qui memor sit tui; * in inferno autem quis confitebitur tibi?
versículo 7: Laboravi in gemitu meo; lavabo per singulas noctes lectum meum: * lacrimis meis stratum meum rigabo.
versículo 8: Turbatus est a furore oculus meus; * inveteravi inter omnes inimicos meos.
versículo 9: Discedite a me omnes qui operamini iniquitatem, * quoniam exaudivit Dominus vocem fletus mei.
versículo 10: Exaudivit Dominus deprecationem meam; * Dominus orationem meam suscepit.
versículo 11: Erubescant, et conturbentur vehementer, omnes inimici mei; * convertantur, et erubescant valde velociter.
doxologia: Gloria Patri, et Filio, * et Spiritui Sancto.
doxologia: Sicut erat in principio, et nunc, et semper, * et in sæcula sæculorum. Amen.