Psalterium · Vulgata Clementina
Salmo 7
Domine Deus meus, in te speravi
Numeração da Vulgata · Sl 7 (a mesma na numeração hebraica)
Coro I à esquerda · Coro II recuado
marcas de salmodia em revisão
versículo 2: Domine Deus meus, in te speravi; salvum me fac ex omnibus persequentibus me, et libera me:
versículo 3: nequando rapiat ut leo animam meam, dum non est qui redimat, neque qui salvum faciat.
versículo 4: Domine Deus meus, si feci istud, si est iniquitas in manibus meis,
versículo 5: si reddidi retribuentibus mihi mala, decidam merito ab inimicis meis inanis.
versículo 6: Persequatur inimicus animam meam, et comprehendat; et conculcet in terra vitam meam, et gloriam meam in pulverem deducat.
versículo 7: Exsurge, Domine, in ira tua, et exaltare in finibus inimicorum meorum: et exsurge, Domine Deus meus, in præcepto quod mandasti,
versículo 8: et synagoga populorum circumdabit te: et propter hanc in altum regredere:
versículo 9: Dominus iudicat populos. Iudica me, Domine, secundum iustitiam meam, et secundum innocentiam meam super me.
versículo 10: Consumetur nequitia peccatorum, et diriges iustum, scrutans corda et renes, Deus.
versículo 11: Iustum adiutorium meum a Domino, qui salvos facit rectos corde.
versículo 12: Deus iudex iustus, fortis, et patiens; numquid irascitur per singulos dies?
versículo 13: Nisi conversi fueritis, gladium suum vibrabit; arcum suum tetendit, et paravit illum.
versículo 14: Et in eo paravit vasa mortis, sagittas suas ardentibus effecit.
versículo 15: Ecce parturiit iniustitiam; concepit dolorem, et peperit iniquitatem.
versículo 16: Lacum aperuit, et effodit eum; et incidit in foveam quam fecit.
versículo 17: Convertetur dolor eius in caput eius, et in verticem ipsius iniquitas eius descendet.
versículo 18: Confitebor Domino secundum iustitiam eius, et psallam nomini Domini altissimi.
doxologia: Gloria Patri, et Filio, et Spiritui Sancto.
doxologia: Sicut erat in principio, et nunc, et semper, et in sæcula sæculorum. Amen.